گوادر اٹی ڈی جی اے ڈی ایچ کیو ہسپتال اٹی آئسولیشن وارڈ جوڑ

کوئٹہ(اے پی پی) ڈپٹی کمشنر گوادر کیپٹن ر محمد وسیم پارینے کہ کورونا وائرس نا گڑتی تا رداٹ ضلعی انتظامیہ نا کنڈآن جی ڈی اے ڈی ایچ کیو ہسپتال اٹی آئسولیشن وارڈ اس جوڑ کننگانے بارڈر آ کورنٹائن وارڈ اس ہم جوڑ کننگانے وخت اس کہ چینی باتی تیکن ہم چائنہ ریڈ کریسنٹ ہسپتال اٹی آئسولیشن وارڈ اس جوڑ کرینن، داخیال آتا درشانی ءِ او کورونا وائرس نا بابت دیوان نا کماشی ٹی گپ وتران کرسا کرے۔ دیوان اٹی چندی محکمہ غاتا نمائندہ غاک ساڑی ئسر، دیوان اٹی وائرس نا بابت چندی باندات آتیا گپ وتران کننگا وخت اس کہ محکمہ جان جوڑی دیوان ءِ کوروناوائرس نا توننگ و دانا بابت سرجم حوال تس دیوان اٹی پاننگاڈی ایچ کیو ہسپتال تون اوار پاک ایران سیم و گوادر بالی پٹ آ ہم تھرمل اسکیننگ کٹ نصب کرینن کورونا وائرس نا توننگ نا بابت محکمہ جان جوڑی و ایلو کمامدار آتے پاننگاکہ پاکستان ایرانی سیمی علاقہ غاتے ٹی ہر زہمی بندغ نا پترینگ انگ آ سخت نظر شاغر۔ دیوان اٹی پاننگاکہ ضلع گوادر اٹی کورونا وائرس نا بابت سوشل میڈیا غا غلط خبر شینک کروک و شاری تیٹی خوف تالان کروک آ بندغ آتا برخلاف کارروائی کننگک۔ دیوان اٹی پاننگاکہ مچ آ ملک اٹی کورونا وائرس نا ودوک آ کیس آتا سوب شاریک بے گرج سفر آن پانادکیر۔ شاریک بے گرج و تفریحی سفر نا چرجوئی ٹی کراچی و ملک انا ایلو ہند آتیا سفر کپس شاریک المی کاریم تیان بیدس زیات وخت ءِ اُراتیٹی گدریفرو دیوان اٹی پاننگانے کہ بے گرج وڑاٹ پبلک پوائنٹ آتیا گدریفوک آ وخت نم و نما خاہوت کن فریشانی نا سوب مننگ کیک۔ کورونا وائرس آن بچنگ نا اسٹ انگا ایسر احتیاط ءِ شاریک احتیاطی تدابیر اختیار کیر۔ شاریک اُراٹی پترینگ انگ تون جراثیم خلوک صابن اٹ دوتے سلر، چناتے گوازی کننگ کن پیشن آ ہِننگ آن منع کیر۔ کورونانا بابت سنگت آک رشتہ دار و خاہوت آتے ٹی آگاہی فراوان کیر تانکہ وائرس آن بچنگر۔