واشک اٹ بی آر ایس پی ناکنڈآن ڈغار آ ہچ کاریم خننگپک‘میرعلی حسن بلوچ
Get real time updates directly on you device, subscribe now.
واشک (آن لائن) بلوچستان نیشنل پارٹی واشک نا ضلعی جنرل سیکرٹری میر علی حسن بلوچ‘ جوائنٹ سیکرٹری دین محمد بلوچ‘ ضلعی لیبر سیکرٹری عمران بلوچ‘ تحصیل واشک نا صدر زبیر احمد بلوچ‘ جنرل سیکرٹری اسداللہ مینگل وایلوفک پارینو کہ اِرا سال مست بی آر ایس پی تحصیل واشک اٹ غریبی ءِ چٹفنگ نا پروگرام نا رد اٹ کمیونٹی نا کہول آ چنکو چنکو کمکی پروگرام اڈتننگ کن پن اناسروے کرے ولے ہمو سروے آن پد داسکان تحصیل واشک اٹ بی آر ایس پی ناکنڈآن ڈغار آ ہچ کاریم خننگپک‘ بیرہ کاغد آتے ٹی فائل جوڑ کننگ انگ ءِ۔ اوپاریر کہ نن کیہی وار داڑے بی آر ایس پی ناہیبدار کارکڑد نابابت میڈیا و اخبار تا کمک اٹ داڑ اسکان ضلعی کہول نازموار آتے ہم تینا گڑتی تیان معلومدار کرسا کرین ولے بی آر ایس پی واشک نا ضلعی سروک ننا ہیت آ خف توتو و داسہ ہراتم ہم واشک آبریک بیرہ منہ بندغ آتتون فوٹو سیشن کننگ آن پد پدی خاران آ کاہک۔