عمران خان نا عدلیہ غا ملنڈ نا درور ملپک، مریم اورنگزیب
Get real time updates directly on you device, subscribe now.
اسلام آباد : وزیرحوالکاری مریم اورنگزیب پارینے کہ ن لیگ بیرہ فارن ایجنٹ و توشہ خانہ دز انا برخلاف مہم چلیفنگ اٹی ءِ‘ عمران خان صاحب دا بیان تننگ کن بندغ ءِ مخوئی اس مروئی تمک ہرا وڑ نی عدلیہ غاملنڈ خلیسہ دانا درور ملپک‘ تینا بیان اٹ وزیرحوالکاری پارے کہ عدلیہ غان کرینگ و دھڑکو ترسا ہڑدے ضمانت نی ہلیسہ‘ (ن) لیگ داسہ بیرہ نے و نما کمکار آتے بے پردہ کننگ نا مہم چلیفنگ اٹی ءِ‘ (ن) لیگ داسہ بیرہ پاکستان نا زرگزران ءِ بھس کروک و الس ءِ روزگار کروک آتا برخلاف مہم چلیفنگ اٹی ءِ۔ اوپارے کہ مسلم لیگ ن داسہ بیرہ فارن ایجنٹ و توشہ خانہ دز آتا برخلاف مہم چلیفنگ اٹی ءِ۔ مسلم لیگ ن داسہ بیرہ ملک انا برخلاف سازش کروک آتا برخلاف مہم چلیفنگ اٹی ءِ۔
(آن لائن)