پارلیمانی سیکرٹری انجینئر عبدالمجید بادینی و ڈی سی جعفرآباد نا ناڑی تا دورہ، دیر انا ترسیل نا جاچ

ارلیمانی سیکرٹری برائے ایس اینڈ جی اے ڈی انجینئر عبدالمجید بادینی ڈپٹی کمشنر جعفرآباد خالد خان تون اوار ضلع جعفرآباد اٹی جتا جتا ذیلی کینال (ناڑی) تا دورہ ءِ کرسا دیر انا ترسیل نا جاچ ءِ ہلک۔۔ دا موقع آ سب ڈویژنل آفیسر محکمہ کشاری مراد بخش مری ہم ساڑی ئس، ہرا دیر انا ساڑی آ حالیت، ناڑی تیٹی بہاؤ و کشارگر آتے دیر انا فراوانی نا بابت سرجم بریفنگ تس۔ انجینئر عبدالمجید بادینی و ڈپٹی کمشنر خالد خان پارت کریر کہ دیر انا منصفانہ بشخ و پانٹ ءِ پک کننگے، تانکہ ٹیل نا کشارگر آتسکان کشاری دیر انا فراوانی ممکن مننگ کے۔ وخت اس کہ کشارگر آتے اوفتا پک کروک آ بشخ نا رِد اٹ دیر انا وخت آ فراوانی کن کل دوئی وسیلہ غاتے کاریم اٹ اتنگے۔۔ او پاریر کہ حکومت کشاری بشخ نا رکھ و کشارگر آتا ویل آتا ایسری ءِ اولیکو اولیت ایتک۔ دا وخت آ جعفرآباد نا ٹیل نا کشارگر آتے کشاری دیر انا کاختی نا سوب آن سخت آ خواری تا مون تروئی تمنگ اٹی اے ہرانا تدارک مننگ بھاز المی ءُ عمل اسے۔