گوادر پورٹ آ واپاری سرجز برجا،سنگاپور آن بروک آ ٹرانس شپمنٹ بحری جہاز گوادر پورٹ آ توس
Get real time updates directly on you device, subscribe now.
علاقائی بحری (سودریابی) حالیت و برجا چک و تاڑ نا باوجود گوادر پورٹ آ واپاری سرجز پدریسہ برجا ءُ، ہراڑے اسہ پین ٹرانس شپمنٹ بحری جہاز بندرگاہ آ لنگرانداز مرسا کارگو نا ہینڈلنگ نا بناءِ کرینے۔ تفصیلات نا رِد اٹ بنگلہ دیشی جھنڈا والا بحری جہاز M/V JAHAN BROTHERS II گوادر پورٹ آ لنگرانداز مس۔ دا جہاز سنگاپور آن گوادر سر مسنے و داڑآ 53,064.660 میٹرک ٹن پرائم اسٹیل بلیٹس موجود ءُ۔ ہندا کارگو نا مزل متحدہ عرب امارات نا الحمریہ پورٹ ءِ۔ کارگو ءِ گوادر پورٹ آ عارضی وڑاٹ بٹنگا و کوڑی (ذخیرہ) کننگک، ہرا نا پد اٹی اودے ایلو بحری جہاز آ دوارگی لوڈ کرسا متحدہ عرب امارات روانہ کننک۔