الس نا جان و مال انا رکھ بلوچستان پولیس نا اولیکو کاریم ءِ،ڈی آئی جی لورالائی رینج
Get real time updates directly on you device, subscribe now.
ڈی آئی جی لورالائی رینج جنید احمد شیخ پارینے کہ الس نا جان و مال انا رکھ بلوچستان پولیس نا اولیکو کاریم ءِ و ساڑی آ حالیت آتا رِد اٹ پولیس نا کسبی جوڑجاڑ، وخت آ ورندی و رکھی گام گیج آتے پین بھرمی جوڑ کننگ انگ اے۔دا خیال آتا درشانی ءِ او ڈسٹرکٹ زیارت نا دورہ نا وخت آ کارندہ غاتون اوار مچی ٹی ہیت و گپ کرسا کرے۔ ایس پی زیارت عبد المالک درانی ہم اوڑتون اوار ئس۔ ڈی آئی جی پولیس لورالائی پولیس لائن و تھانہ نا جتا جتا بشخ آتا معائنہ نا وخت آ سیکیورٹی بست و بند و جم آپریشنل جوڑجاڑ نا جاچ ءِ ہلک۔ دا موقع آ ایس پی زیارت عبد المالک درانی امن و امان و سیکیورٹی حالیت آتیا سرجم بریفنگ تس۔ ڈی آئی جی لورالائی افسر و کارندہ غاتے پارت کرے کہ گمانی دہشت گردی تون مون تننگ کن جوڑ کروک آ سیکیورٹی پلان نا رِد اٹ پورو وڑاٹ الرٹ مرسا تینا زمواری تے پورو کننگ کن کسبی لائخی غاتے کاریم اٹ اتنگ اٹی ہچ ءُ ڈیوالئی اس کننگپ۔