ہر بندغ اسہ درخت اس ضرور خلے،سمیع اللہ کاکڑ

کوئٹہ (اے پی پی) ڈپٹی کمشنر (ر) مہراللہ بادینی، ایڈیشنل ڈپٹی کمشنر سمیع اللہ کاکڑ، ڈپٹی کنزرویٹر فاریسٹ حسیب کاکڑ، رینج فاریسٹ نصیب اللہ کاکڑ اسک نہال خلسا پلانٹ فار پاکستان ڈے انا وخت آ بشام نہالکاری نا باقاعدہ بناءِ کریر۔ پلانٹ فار پاکستان ڈے انا وخت آ ضلع زیارت اٹ اسہ ہزار و بشام نہالکاری مہم اٹ ہشت ہزار درخت خلنگک۔ ڈپٹی کمشنر کیپٹن (ر) مہراللہ بادینی داوخت آ تران کرسا پارے کہ درخت خلنگ صدقہ جاریہ و سنت نبوی صلی اللہ علیہ و آلہ وسلم ءِ، ہر بندغ اسہ درخت اس ضرور خلے و نہالکاری مہم ءِ سرسہب کننگ کن کڑداداکیر۔درخت خلنگ تون درخت آتے دیر تننگ ہم المی ءِ، درخت ڈغار نا زیور ءِ، درخت ڈغار ءِ زیبائی ءِ پین زیات کیک ڈغار ءِ کاٹ کننگ نا تورک، درخت ماحول آ خوشگوار اثر شاغک۔ زیارت نا زیبدار اپڑس نا جنگل آتا رکھ ءِ کننگ ننا غٹ انا فرض ءِ۔