صحبت پور کشمور روڈ انا ڈٹ نصیر آباد ڈویڑن نا قسمت ءِ بدل کیک،سلیم کھوسہ

0

Get real time updates directly on you device, subscribe now.

کوئٹہ (اے پی پی) صوبائی وزیر ریونیو میر سلیم خان کھوسہ پارینے کہ صحبت پورٹو کشمور روڈ انا ڈٹ نصیر آباد ڈویڑن نا قسمت ءِ بدل کیک دامیگا پروجیکٹ آن علاقہ ٹی شونہالی نا پوسکن ءُ کسر ملنگک ہراڑان بے روزگاری نا ازالہ تون اوار اوار مرغن انگا کسر ہم چنک مرسا گھنٹہ غاتیا تالان مریک، وزیراعلیٰ بلوچستان جام کمال خان نا چاروکی ٹی الس دوست بجٹ اس پیش کننگا ہراڑان نیزگار تپہ زیات فائدہ ہرفک، وزیراعلیٰ نا منصفانہ فیصلہ غاتا سوب آن اینو انصاف نا خواست آتے پورو کننگ کن اپوزیشن جماعت آتا حلقہ غاتیٹی ہم اسہ وڑاٹ شونداری عمل برجاءِ۔ داخیال آتا درشانی ءِ او کمشنر نصیر آباد عابد سلیم قریشی تون اونا آفس اٹ اوڑدہی نا وخت آ گپ وتران کرسا کرے داوخت آ ڈپٹی کمشنر نصیر آباد حافظ محمد قاسم کاکڑ، ڈپٹی کمشنر صحبت پور محمد یونس سنجرانی، پی ایس عطاء اللہ کھوسہ، بلوچستان عوامی پارٹی صحبت پور نا ضلعی جنرل سیکرٹری میر سرفراز خان کھوسہ، میر خالد خان کھوسہ تحصیلدار بہادرخان کھوسہ، کشاری بینک انا زونل چیف اکرم شاہوانی ئسک ساڑی ئسر۔ کمشنر نصیر آباد عابد سلیم قریشی صوبائی وزیر ریونیو ءِ علاقہ ٹی حالیت و پٹ فیڈر کینال، کیرتھر کینال اٹی غیر کانودی واٹرکورس آتا برخلاف بے پرخ کارروائی نا بابت سرجم آن آگاہی فراوان کرے صوبائی وزیر ریونیو میر سلیم خان کھوسہ پارے کہ ساڑی حکومت تینا آئینی مد ءِ پورو کیک انتئے کہ الس نا وونٹ آتے اٹ سلیکٹ مروک آ حکومت ءِ غیر آئینی عمل اٹ اسُل اینک کننگ مفک نن الس نا بے لوث خذمت آ باور کینہ، ہنداسوب ءِ کہ ساڑی السی حکومت ءِ الس نا پورو تائید و مخ تفی دوئی ءِ۔ اوپارے کہ ڈیرہ مراد جمالی نا السءِ اوفتا مالکانہ حق انا فراوانی کن کوشست کننگ انگ ءِ ہندن ءُ پالیسی اس جوڑ کننگ انگ ءِ ہراڑان شیفکو تپہ براہ راست فائدہ ہرفنگ کے کم آن کم نرخ آتیا الس ءِ تینا اُراتا مالک کننگ کن ننے آن اخس کہ مننگ کرے تینا پبی کوشست آتے برجاتخنہ دا علاقہ ننا غٹ انا ءِ ننے داجاگہ ناالس نا ویل و مشکل آتا جوان سماارے اوپارے کہ این ایف سی ایوارڈ ہڑدہ می ترمیم ءِ غٹ سیاسی جماعت آک اواری اٹ پاس کریر ہراڑان بلوچستان ءِ غٹ آن زیات فائدہ مننگ ءِ ہنداخاطرآن ہڑدہ می ترمیم ءِ سرفنگپ تو دا جوان ءُ فیصلہ اس مریک۔

Get real time updates directly on you device, subscribe now.

Leave A Reply

Your email address will not be published.