پی اے سی نا گن اینڈ کنٹری کلب نا سروک ءِ اینک کننگ ناپارت

اسلام آباد: پارلیمنٹ نا پبلک اکاؤنٹس کمیٹی نا دیوان سے شنبے نادے پی اے سی نا چیئرمین نور عالم خان نا کماشی ٹی پارلیمنٹ ہاؤس اٹی مس۔ دیوان اٹی پی اے سی نا باسک آتون اوار تعلقدار سرکاری ادارہ غاتا آفیسر آک بشخ ہلکر۔ دیوان اٹی وزارت ہاؤسنگ اینڈ ورکس و زارت بین رابطہ نا آڈٹ اعتراض آتا جاچ ءِ ہلنگا۔ دیوان نا بناآ پی اے سی گن اینڈ کنٹری کلب اسلام آباد نا آڈٹ مفننگ نانوٹس ءِ ہلسا چیئرمین نور عالم خان پارے کہ گن اینڈ کنٹری کلب نا آڈٹ ءِ انت اکن کرفپننگ انگءِ۔ ارب آ روپئی نا آڈٹ پیراز جوڑ مسنے، کانود نا خلاف ورزی مسنے۔ او کلب نا آڈٹ کن نیب و ایف آئی اے نا کمک ءِ ہلنگ نا پارت کرسا پارے کہ ای دا آڈٹ پیراز ایف آئی اے و نیب ءِ انکوائری کن گدریفنگ اٹی اُٹ۔ پی اے سی گن اینڈ کنٹری کلب نا غٹ ریکارڈ آتے کوزہ ٹی کننگ و گن اینڈ کنٹری کلب نا ساڑی آ سروک نعیم بخاری ءِ دمدستی اینک کننگ نا پارت کرے و پارے کہ نعیم بخاری آن گاڈی، دفترآتون اوار غٹ آسودہی و آسراتی تے پدی ہلنگے۔ مشاہد حسین سید پارے کہ گن اینڈ کنٹری کلب 2002 اٹی جوڑ کننگاسس، ای ہم باسک اُٹ۔ وزارت بین الصوبائی رابطہ ن اکنڈآن پاننگاکہ بناٹی دا کلب آخابلکن ساؤتھ ایشین گیم تیکن شوٹنگ رینج اس ئسک۔ اوکان پد اودے گن اینڈ کنٹری کلب اس جوڑ کننگا۔ جنرل عارف حسن گن اینڈ کنٹری کلب کن حکومت آن فنڈ ہلکوسس۔ پی اے سی دا مچ آ باندات نا عئید آن پد جاست وپاست ءِ کرسا رپورٹ پیش کننگ نا پارت کرے۔ سیکرٹری بین الصوبائی رابطہ گن اینڈ کنٹری کلب نا لیگل فریم ورک اس تیار مسنے۔ بنجائی کابینہ غان کانود آتا منظوری نا چاری ءِ۔