راولپنڈی انسٹی ٹیوٹ آف یورالوجی اینڈ ٹرانسپلانٹیشن نا باقاعدہ بنا

وزیر اعظم آسراتی تا فراوانی نا باقاعدہ بنا ءِ کننگ نا دود ءِ سر تس، انسٹی ٹیوٹ نا چندی بشخ آتا جاچ ءِ ہم ہلک

0

Get real time updates directly on you device, subscribe now.

اسلام آباد: وزیراعظم محمد شہبا زشریف راولپنڈی انسٹی ٹیوٹ آف یورالوجی اینڈ ٹرانسپلانٹیشن اٹ درمان نا آسراتی نا باقاعدہ بناءِ کرے۔ سے شنبے نادے آ وزیراعظم انسٹی ٹیوٹ نا چندی بشخ آتا معائنہ ءِ کرے و درمان نا آسراتی تا جاچ ءِ ہلک۔ وزیراعظم ناجوڑ آتون ہم اوڑدہی کرے و اوفتیان اوفتا طب ودرمان نا آسراتی تا بارواٹ اَرفے۔ ڈاکٹر آتیان وزیراعظم ہسپتال اٹی چندی مرض آتا درمان نا بارواٹی معلومداری دوئی کرے۔ داوخت آ وزیراعظم ءِ صوبائی سیکرٹری جان جوڑی ڈاکٹر احمد جاوید قاضی سرجمی اٹ حوال تس۔ وزیراعظم ءِ پاننگاکہ قطب پنجاب اٹی درمان نا دا پوسکن آ ہند انا جوڑ کننگ ستاکڑزک۔ 2009ء ٹی دا ہسپتال نا منظوری ءِ تننگاسس و دا 255 کٹ آتیا تالان ءِ، داڑے راولپنڈی، قطب پنجاب و ایلو علاقہ گاتا مخلوق ءِ درمان نا گچین آسراتی تا فراوانی ءِ پک کننگک۔ داوخت آ مسکوہی قومی اسمبلی نا باسک حنیف عباسی پارے کہ انسٹی ٹیوٹ آف یورالوجی سال تا سال آن بند ئسک ولیوزیراعظم نا پارت آ دمدستی اوڑاکاریم نا بناءِ کننگا، وزیراعظم نا کماشی ٹی جان جوڑی نابشخ اٹی بھاز کاریم مسنے، 2008ء آن مست راولپنڈی ٹی بیرہ 25 وینٹی لیٹرز ئسر ہرافتا کچ اینو کم وود 200 مسنے، ہندا وڑ 20 ڈائیلائسز مشین ئسر ہرافتا کچ 100آن ودانے، ہنداوڑ 75 سال اٹی داڑے ایم آر آئی نا ہچ ءُ مشین اس الوکہ داسہ 4 مشین ساڑی ءُ، مہالو سالانہ 25 لکھ ٹیسٹ مسکہ داسہ پنچ ہسپتال آتیٹی ٹیسٹ 41 لکھ اسکان سرمسنے، راولپنڈی انسٹی ٹیوٹ آف کارڈیالوجی ٹی خیبرپختونخوا، آزاد کشمیر، راولپنڈی ڈویژن و ایلو شار تا ناجوڑ آتے درما ن نا آسراتی فراوان کننگ انگ ءِ، گائنی فلٹر کلینک ہم راولپنڈی نامخلوق کن اسہ بھاز بھلو ٹیکی اسے۔

(اے پی پی)

Get real time updates directly on you device, subscribe now.

Leave A Reply

Your email address will not be published.