علی امین گنڈاپور نا برخلاف درج مقدمہ، فریق آتے نوٹس

0

Get real time updates directly on you device, subscribe now.

لاہور: لاہور ہائی کورٹ پی ٹی آئی راہشون علی امین گنڈاپور نا برخلاف درج مقدمہ غاتا سرجم آتا فراوانی کن دائر درخواست آ پنجاب حکومت تون اوار ایلو فریق آتے نوٹس جاری کرسا 27 اپریل آ ورندی بٹنگا۔ لاہور ہائی کورٹ نا جسٹس انوار الحق علی امین گنڈاپور نا ایلم عمرامین نا درخواست آ سماعت کرے ہراٹی علی امین گنڈاپور نا برخلاف جوڑ مقدمہ غاتا سرجم آتا فراوانی نا خواست کننگا۔ عدالت نا روبرو درخواست گزار موقف اختیار کرے کہ علی امین ءِ اسٹ آن پد ایلو مقدمہ ٹی دزگیر کننگ انگ ءِ، دزگیری اول کننگک و مقدمہ اوکان پد مون آبریک، دوبہ دارنا حق ءِ کہ اودے دوبہ نا علم مسکہ کہ او کانودی وڑاٹ تینا دفاع ءِ کننگ کے۔ درخواست گزار عدالت آن خواست کرے کہ عدالت علی امین گنڈاپور نا برخلاف غٹ مقدمہ غاتا سرجم آتے بٹنگے۔ عدالت درخواست گزار نا وکیل نا بنائی دلیل آتے بِننگ آن پد پنجاب حکومت تون اوار ایلو فریق آتے نوٹس جاری کرسا پی ٹی آئی راہشون علی امین گنڈاپور آ درج مقدمہ غاتا سرجم آتے جمع کرفنگ نا پرمان کرسا مستی سماعت ءِ 27 اپریل اسکان پدبٹے۔

(اے پی پی)

Get real time updates directly on you device, subscribe now.

Leave A Reply

Your email address will not be published.