مچ آ ملک اٹی 24 گھنٹہ ٹی کورونا دین انا 26 کیس رپورٹ
Get real time updates directly on you device, subscribe now.
اسلام آباد: 18 اپریل مچ آ ملک اٹی 24 گھنٹہ ٹی کورونا دین انا 26 کیس رپورٹ مس و 11 ناجوڑ آتا حالیت نازرک ءِ۔ سے شنبے نادے قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا اسہ ہزار 774 ٹیسٹ کننگا ہرافتیان 26 بندغ آتا ٹیسٹ مثبت بس ہندا وڑ مثبت کیس آتا کچ 1.47درسد ئسک و داوخت آ کورونا دین آن اسہ ناجوڑ اس ہم زوال کتنے وخت اس کہ 11ناجوڑ آتا حالیت نازرک ءِ۔ ملک انا چندی شار تیٹی 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 234بندغ آتیان 7 انا ٹیسٹ مثبت بس وہموڑے مثبت کیس آتا کچ 2.99درسد ئس، ہندا وڑ اسلام آباد اٹی 204 ٹیسٹ آتیان 6 انا ٹیسٹ مثبت بس و ہموڑے کچ 2.94 درسد ئس، گلگت اٹی کروک آ238 ٹیسٹ آتیان 5 انا ٹیسٹ مثبت بس و کچ 2.10درسد ئس وخت اس کہ فیصل آباداٹی 130 ٹیسٹ آتیان اسہ ناجوڑ اسے نا ٹیسٹ مثبت بس و ہموڑے کچ 0.77 درسد ئسک۔
(ای پی پی)