سعودی ولی عہد تون چاڈ انا عبوری فوجی کونسل نا سروک نا اوڑدہی
جدہ: سعودی عرب نا ولی عہد شہزادہ محمد بن سلمان تون چاڈ انا عبوری فوجی کونسل نا سروک ادریس دیبی اوڑدہی کرے، ہراٹی ہڑتوم آ کنڈآتا تعلقداری و چندی بشخ آتیٹی کمکاری نا گمان تا جاچ ءِ ہلنگا۔ سعودی خبررساں ادارہ نا رداٹ اوڑدہی ٹی وزیرخارجہ شہزادہ فیصل بن فرحان، وزیر مملکت و کابینہ نا باسک شہزادہ ترکی بن محمد، کابینہ نا باسک وقومی سلامتی نا سلاہکار ڈاکٹر مساعد بن محمدالعیبان، وزیر زرکاری خالد الفالح، ایوان شاہی نا سلاہکار احمد قطان و چاڈ اٹی سعودی عرب نا سفیر عامر بن علی الشھری ئس ہم ساڑی ئسر۔ اوپارے کہ ہڑتوم آ راہشونک تین پہ تینی است خواہی نا امور خاص وڑاٹ ہڑتوم آ کنڈآتا تعلقداری تا مون آدننگ و چندی بشخ آتیٹی کمکاری نا گمان تا جاچ ءِ ہلکر۔
(اے پی پی)