پاکستان نا کنڈ آن 3 ارب ڈالر نا پین فنانسنگ پلان آئی ایم ایف ءِ تننگا

اسہ وار اس معاہدہ مریک یا 3 ارب ڈالر نا پین ضمانت تروئی تمک، داسکان دانا ورندی رسینگتنے، وزارت خزانہ

0

Get real time updates directly on you device, subscribe now.

اسلام آباد : پاکستان 3 ارب ڈالر نا پین فنانسنگ کن پلان جہانی مالیاتی فنڈ (آئی ایم ایف) ءِ تسنے۔ وزارت خزانہ حوالی نا رد اٹ پلان نا رد اٹ رائز ٹو پروگرام آن 45 کروڑ، اے آئی آئی بی، کمرشل بنک آتیان 1 ارب ڈالر وام رسینگک۔ وزارت خزانہ و آئی ایم ایف نا نیام اٹ فنانسنگ آ ہیت مننگ اٹی ءِ۔ وزارت خزانہ ناکمامدار آک پارینو کہ اول اٹ معاہدہ مرے تو فنانسنگ نا بست وبند مریک‘ دا رد اٹ حوالی نا رد اٹ دا وخت اسکان آئی ایم ایف نا کنڈآن پیدوار ورندی رسینگ تنے۔ اول اٹ معاہدہ مس یا پین 3 ارب ڈالر نا ضمانت تروئی مریک‘ دا رد اٹ پاکستان آئی ایم ایف ورندی کن ہروک ءِ‘ وام پلان آ آئی ایم ایف نا کنڈآن رسپانس رسینگ کن ہروک ءِ‘ جنیوا ٹی ڈونرز کانفرنس آن پیسہ ہلنگ نا پلان ہم آئی ایم ایف ءِ تننگا۔ پاکستان و آئی ایم ایف نا نیام اٹ اسٹاف لیول معاہدہ کن داوخت آ بھاز کوشست کننگ اٹی ءِ۔ یات سلے کہ آئی ایم ایف پاکستان آ شڑت تخانے کہ اودے سنگت ملک آتا کنڈآن فنانسنگ نا بابت نوشتہ ئی باوری کرفنگے۔ متحدہ عرب امارات و سعودی عرب ناکنڈآن پاکستان ءِ فنانسنگ آ آئی ایم ایف ءِ نوشتہ ئی باوری کرفنگانے ولے دا وخت اسکان اسٹاف لیول معاہدہ مننگ کتنے۔

(آن لائن)

Get real time updates directly on you device, subscribe now.

Leave A Reply

Your email address will not be published.