پنجاب اٹ کرونا نا ناجوڑ آتا کچ 78 ءِ سر مس

0

Get real time updates directly on you device, subscribe now.

لاہور( آن لائن ) پنجاب اٹ کرونا ناجوڑ آتا کچ 78 مسنے، میوہسپتال اٹ درمان مروک آ 4 ناجوڑی جانجوڑ مرسا ءُ، پنجاب اٹ 384 بندغ نا ٹیسٹ ءِ کننگانے، وزیرجانجوڑی پنجاب ڈاکٹر یاسمین راشد پارینے کہ پنجاب اٹ ہندا منہ وخت اٹ ہرا بندغ آتا ٹیسٹ ءِ کننگانے اوفتے آن بروک آ پوسکن آ کیس آتے اوار کرسا کل ناجوڑ آتا کچ 78 مسنے۔ 80 درسد ناجوڑ پیناڈول کُننگ آن جوڑ مریرہ۔ ملتان اٹ ناجوڑ آتا پوسکن ءُ کیمپ اس جوڑ کننگانے، ہراڑے تفتان آن بروک آ ناجوڑ آتے تخنگک۔ اوڑے 1500 ناجوڑ آتے تخنگ نا گنجائش ارے۔ دا وخت اسکان ہرا زائر تیٹی کرونا وائرس پک مسنے اوفتے ٹی پک مروک آ بندغ آتے جتا کننگانے۔ ہرا بندغ آک سہی ءُ اوفتے ہم کرنٹائن اٹ 14 دے گدریفنگ المی ءِ۔ بروک آ وخت انا بابت پین آئسولیشن روم نا بست و بند کننگ انگ ءِ۔ بروک آ دے تیٹی زائر و طالبعلم آتون 5 ہزار بندغ پاکستان آ بننگ اٹی ءُ۔ او پارینے کہ دا ٹیسٹ انا بہا 7900 روپئی ءِ۔ پنجاب اٹ مون آ بروک آ کل کیس آک پیشن ملک انا سفر کرینو۔ پنجاب حکومت بالکل مفت ٹیسٹ کننگ اٹی ءِ۔ نن تینا کٹ آتے شوکت خانم ہسپتال ءِ تسونن۔ شوکت خانم ہسپتال مفت ٹیسٹ کننگ اٹی ءِ۔ پنجاب حکومت کرونا وائرس تون مون تننگ کن کل وسیلہ غاتیان کاریم ہلنگ اٹی ءِ۔

Get real time updates directly on you device, subscribe now.

Leave A Reply

Your email address will not be published.