کرونا وائرس‘ وزیراعلیٰ مراد علی شاہ فوج آن کمک نا خواہندار
Get real time updates directly on you device, subscribe now.
کراچی(آن لائن) سندھ اٹ بھلو کچ اسے ٹی کرونا وائرس نا کیس آتا مون آ بننگ آن پد وزیراعلیٰ مراد علی شاہ فوج آن کمک خواہسنے۔ ترجمان وزیراعلیٰ سندھ انا کنڈآن جاری بیان اسے ٹی پک کننگانے کہ حکومت سندھ پاک فوج آن کمک خواہسنے۔ ترجمان نا رداٹ کور کمانڈر کراچی حکومت سندھ ءِ ہر وڑ نا کمک کننگ نا پک کرینے۔ پاک فوج و سندھ حکومت نا اواری ٹی ٹیم انا کمک اٹ راشن نا بشخ و پانٹ و ایلو کاریم تے کننگ نا بابت فیصلہ کننگا۔ وزیراعلیٰ سندھ نا ترجمان مستی پارینے کہ سندھ حکومت غریب آتیکن 20 لکھ راشن بیگ جوڑ کرفک، راشن بیگ تا جوڑی کننگ و بشخ وپانٹ اٹ پاک فوج کمک کیک۔ یات سلے کہ سندھ اٹ دا وخت آ کرونا وائرس نا زہمی ناجوڑآتا کچ 210 آن زیات مسنے وخت اس کہ حکومتی کچ انا رداٹ ملک اٹ کرونا وائرس نا سوب آن 2 بندغ تپاخت کرینو او 307 بندغ اٹ وائرس پک مسنے۔