کرونا غان خلوئی اف ‘توننگ کن احتیاط المی ءِ‘حاجی نورمحمد دمڑ

0

Get real time updates directly on you device, subscribe now.

ہرنائی (آن لائن) صوبائی وزیر پی ایچ ای، واسا حاجی نورمحمد خان دمڑ پارینے کہ کرونا غان خلوئی اف دا وائرس ناتوننگ کن احتیاط المی ءِ‘ الس ڈاکٹر آتا پاروک احتیاطی تدبیر تیا سختی اٹ عملدرآمد کے و زیات رش والا جاگہ غاتیا ہنپ‘ کرونا وائرس آن دنیاناکیہی ملک آک زہمی مسنو دا بیرہ پاکستان یا بلوچستان نا ویل اس اف‘ حکومت کن الس نا جان ومال انا رکھ بھاز اہم ءِ‘ کرونا وائرس نابابت الس اٹ شعور ودی کننگ کن پاکستانی میڈیا اہم کڑد ادا کننگ اٹی ءِ۔ دا خیال آتا درشانی ءِ او سرکاری ٹی وی تون ہیت وگپ کرسا کرے۔ صوبائی وزیر حاجی نورمحمد خان دمڑ پارے کہ کرونا بیرہ پاکستان اٹ آخا بلکہ مچ آدنیاٹی ءِ۔ او پارے کہ دَین انا توننگ کن جانجوڑی نا غٹ بشخ آک چکار کننگ اٹی ءُ۔ اوپارے کہ صوبائی حکومت کرونا ناسوب آن ایمرجنسی نافذ کرسا اسکول‘ یونیورسٹی، دینی مدرسہ، پبلک پارک، سول سیکرٹریٹ ءِ لس الس کن بند کرینے۔او پارے کہ صوبائی دارالحکومت، تفتان سیم، اوغانستان سیم آن بیدس صوبہ نا غٹ ضلع غاتے ٹی طبی گڑا فراوان کننگانے‘ ایئر پورٹ آپورو اسکریننگ نا عمل برجاءِ۔ او پارے کہ بلوچستان نا الس دہشتگردی‘ زمی جم تون مون تسنے، وائرس نا توننگ کن ہر وڑ انا گام گیج کننگ انگ ءِ۔ اوپارے کہ کرونا وائرس تون مون تننگ کن وزیراعلیٰ میرجام کمال خان ناکماشی ٹی ٹاسک فورس جوڑ ءِ۔ وزیراعلیٰ کرونا وائرس ناتوننگ نا بابت گام گیج آتا تینٹ جاچ ءِ ہلنگ اٹی ءِ۔

Get real time updates directly on you device, subscribe now.

Leave A Reply

Your email address will not be published.