کرونا وائرس کون آ ناجوڑی آن بچنگ کن احتیاطی تدبیر المی ءِ‘سہیل الرحمن بلوچ

لورالائی (خ ن) کمشنر ژوب ڈویژن سہیل الرحمن بلوچ پارینے کہ کرونا وائرس کون آ ناجوڑی آن بچنگ کن احتیاطی تدبیر المی ءِ‘ دا خیال آتا درشانی ءِ او تدوک آدے کرونا وائرس نا توننگ کن گام گیج آتا بابت کمشنر دفتر اٹ دیوان ناکماشی ءِ کرسا کرے‘ دیوان اٹ ڈپٹی کمشنر لورالائی اسداللہ کاکڑ‘ ڈی ایچ او شبیر احمد مینگل، ڈاکٹرمنیراقبال، پی پی ایچ آئی ناافسر اختر محمد وایلوفک ساڑی ئسر۔ڈسٹرکٹ ٹاسک فورس کروناوائرس کمیٹی نا ڈاکٹر منیر اقبال پارے کہ ضلعی انتظامیہ نا پارت آ محکمہ جانجوڑی ناکنڈآن ڈی ایچ کیو ہسپتال اٹ جوڑ کروک آئسولیشن وارڈ اٹ غٹ آسراتی و کارندہ غاک ہر وخت ساڑی ءُ‘ ڈاکٹر وکارندہ غاتا چھٹی تیا رکھ خلنگانے۔ اوکان گڈ کمشنر ژوب ڈویژن سہیل الرحمن بلوچ ڈپٹی کمشنر اسداللہ خان کاکڑ، ضلعی ناظم جانجوڑی ڈاکٹرشبیر احمد مینگل،ایم ایس سول ہسپتال،واحدبلوچ، ڈاکٹرمنیر اقبال و ایلوفتتون اوار آئسولیشن وارڈ انا دورہ ءِ کرے۔