ماشکیل اٹ صوبائی حکومت نا کنڈآن کروناوائرس نا توننگ کن گام گیج کننگتنے‘حاجی زابد ریکی

ماشکیل (آن لائن) جمعیت علماءاسلام نا صوبائی اسمبلی نا باسک واشک حاجی میر زابد علی ریکی پارینے کہ واشک نا تحصیل ماشکیل ایران سیم آٹے ہراڑے صوبائی حکومت نا کنڈآن کروناوائرس نا توننگ کن ہچ گام گیج کننگ تنے وخت اس کہ سیکرٹری جانجوڑی بلوچستان تون اوڑدہی کننگ کن ہناٹ تو او السی نمائندہ غاتتون اوڑدہی کپک‘ وخت اس کہ ڈی جی ہیلتھ ساف پارینے کہ سیمی علاقہ ماشکیل اٹ ڈاکٹر آک کرونا وائرس نا توننگ کن ڈیوٹی آ ہننگ کن تیار افس ہندا سوب آن سیمی علاقہ ماشکیل اٹ کرونا وائرس نا ہرا ناجوڑ پک مس تو اودے خاران یا چاغی آ گدریفنگک‘ ہراکہ محکمہ جانجوڑی نا بھاز غلط ءُ فیصلہ اسے‘ صوبائی حکومت سیمی علاقہ ماشکیل اٹ کروناوائرس آن بچنگ کن اسہ سینٹر اس جوڑ کننگپک تو او خاران و چاغی ٹی گمانی ناجوڑ آتے امر آسراتی رسیفنگ کیک۔