نصیرآباد اٹ برجا ڈٹ آتے ٹی ہیبدار میٹریل ءِ اسُل سگپنہ‘حاجی محمدخان لہڑی

0

Get real time updates directly on you device, subscribe now.

ڈیرہ مراد جمالی (آن لائن) وزیراعلیٰ بلوچستان نا سلاہکار محنت وافرادی قوت و تمبو آن صوبائی اسمبلی نا باسک حاجی محمد خان لہڑی مواصلات وتعمیرات نصیرآباد نا سڑک آتے ٹی ہیبدار میٹریل کاریم اٹ اتنگ و ٹھیکیدار آتتون پوسکن ءُ مشینری مفننگ نا نوٹس ءِ ہلسا ایکس ای این نصیرآباد و 93کروڑ نا میگا ڈٹ انا ٹھیکیدار ءِ ہم بٹنگا۔ حوال نا رد اٹ نصیرآباد اٹ اسمبلی نا باسک و صوبائی حکومت نا خصوصی فنڈ آن 200کروڑ آن زیات مواصلات وتعمیرات ون نصیرآباد نا کنڈآن سڑک آتا ڈٹ آتیکن جتا کننگانے ہراٹی اِرا بھلو ڈٹ ڈیرہ مراد جمالی آن فیض آباد ڈیرہ مراد جمالی آن چھتر اسہ ارب روپئی پنجا کروڑ جتا کننگاسس ہرافتے ٹی ہیبدار وپالن ءُ مِش شاغنگ‘ ٹھیکیدار آتتون پوسکن ءُ مشینری مفننگ نا خبرک اخبار و سوشل میڈیا غا چلینگار ہرانا نوٹس ءِ ہلسا وزیراعلیٰ بلوچستان نا سلاہکار حاجی محمد خان لہڑی مواصلات وتعمیرات نصیرآباد نا ایکس این این و ٹھیکیدار آتے بٹنگا۔ صحافی تتون ہیت وگپ کرسا حاجی محمد خان لہڑی پارے کہ نصیرآباد اٹ برجا ڈٹ آتے ٹی ہیبدار میٹریل ءِ اسُل سگپنہ‘ پی سی ون نا وڑ اٹ کاریم کپروک ٹھیکیدار و بی اینڈآر نصیرآباد نا افسر آتا برخلاف سخت کارروائی کننگک۔

Get real time updates directly on you device, subscribe now.

Leave A Reply

Your email address will not be published.