قوم اسُل مایوس و خلیس نا گواچی اف، مشکل نا داساہت اٹ سرسہب مرینہ، ہمایوں اختر

لاہور(اے پی پی)پاکستان تحریک انصاف نا سینئر مرکزی راہشون و بنجائی وزیر ہمایوں اختر خان پارینے کہ پاکستان قوم اسُل مایوس و خلیس نا گواچی اف و مشکل نا داساہت اٹ سرسہب مرینہ، کرونا وائرس نا برخلاف چست کروک آ گام گیج آتابابت تینا دیرینہ سنگت چین آن راہشونی ہلنگ اُن و نن ہم سرسہبی ٹی اونا پیرویءِ کینہ، مسلم لیگ (ن) نا کماش کرونا وائرس آہم تینا سیاست ءِ چمکائفنگ نا بے سہب کوشست کننگ ءِ ہرا مذمت نا قابل ءِ۔ تینا اسہ بیان اسے ٹی اوپارے کہ حکومت کرونا وائرس نا تالانی ءِ توننگ کن کچ اٹنگا وسیلہ غاتیان پد ہم ہروڑنا گام گیج کرینے۔ حکومت مشکل نا داساہت اٹی رکھی تدابیر اتون اوار اوار دا کوشست کننگ ءِ کہ الس نا ہردے ئی زند بالکل معطل مف۔ ملک اٹی کنوئی آ گڑاتا ہچ ءُ کاختی اس اف و انتظامیہ ءِ سختی اٹ پرمان جاری کننگانے کہ کوڑی کروک و تینا خود آن کبینی نا کمک اٹ الس نا استحصال ءِ کروک آتا برخلاف بے پرخ سخت گام گیج چست کننگے۔