تنخواہ تیٹی ودکی و ایلو ویل آتا ایسری کن ہروڑکمکاریءِ پک کننگک، عمر حمید
Get real time updates directly on you device, subscribe now.
اسلام آباد(اے پی پی) اسپیشل سیکرٹری خزانہ عمر حمید خان آل پاکستان آڈٹ اینڈ اکاونٹس ایسوسی ایشن ءِ باور کرفینے کہ تنخواہ تیٹی ودکی و ایلو ویل آتا ایسری کن وزارت خزانہ ہروڑنا کمکاری ءِ پک کیک۔ دا ہیت ءِ او تدوک آدے آل پاکستان آڈٹ اینڈ اکاوٹس ایسوسی ایشن (کمبائنڈ) نا ڈل اتون اوڑدہی ٹی پارے۔ دا اوڑدہی ایسوسی ایشن نا درخواست آ مس تانکہ تنخواہ و الاونسز آتے ٹی ودکی و ترقی تا بابت ویل آتا جاچ ءِ ہلنگ مرے ہراٹی تنخواہ تیٹی ودکی بشمول تنخواتیٹی 100درسد و 20درسد سیکرٹریٹ الاونس اوار ءِ۔ اکاونٹس و اسسٹنٹ آفیسر آتا ترقی نا دیرینہ معاملہ، ٹائم سکیل نا پدسلوک کیس و اکاونٹس سروس نا آفیسر آتے کن سروس اصلاحات نا بابت باندات آتا جاچ ءِ ہلنگا۔ اکاوٹنٹ جنرل آف پاکستان ریونیو ہم اوڑدہی ٹی ساڑی ئس۔ اسپیشل سیکرٹری خزانہ عمر حمید خان ڈل انا ویل آتے جوانی اٹ بِنگ و اوفتے باوری کرفے کہ وزارت خزانہ دا ویل آتا ایسری کن ممکنہ مدت و کمک فراوان کیک۔