پشین‘ڈپٹی کمشنر قائم لاشاری ناسرانان روڈ فوڈ گودام نا دورہ ‘31مارچ اسکان خولم تننگ آ رکھ
Get real time updates directly on you device, subscribe now.
پشےن (خ ن) ڈپٹی کمشنر پشین قائم لاشاری پنچ شنبے نادے سرانان روڈ آ ساڑی فوڈ گودام نا اناگت دورہ ءِ کرے و کرونا وائرس نا بابت پارت آتا خلاف ورزی و خولم نا سپلائی آ اسسٹنٹ کمشنر پشین حضرت ولی کاکڑ، تحصیلدار بہادر خان و اسسٹنٹ فوڈ کنٹرولر پشےن انچارج ظفراحمد و ظاہر کاسی ءِ بٹنگسا گودام ءِ بند کننگ ناپرمان کرے۔ ڈپٹی کمشنر ہندا گودام اٹ گاڈی تا خولم دننگ نا چرجوئی ءِ تورسا درزن نا کچ گونی تے گاڈی تیان دڑفسا پدی گودام اٹ تخفے۔ دا وخت آ ڈپٹی کمشنر قائم لاشاری اسسٹنٹ ڈائریکٹر فوڈ کنٹرولر ءِ ہندا فوڈ گودام اٹ تخوک خولم و اسٹاک نا سرجم آتے بٹنگسا ڈسٹرکٹ نا غٹ فوڈ گودام تیان فلورملز آتے خولم تننگ آ 31مارچ اسکان رکھ خلنگ نا پرمان کرے۔ اسسٹنٹ فوڈ کنٹرولر پشےن ڈپٹی کمشنر ءِ سرانان روڈ آ ساڑی فوڈ گودام نا بابت سرجم آتے پارسا پارے کہ گودام اٹ ہچ مف 1798 خولم نا گونی تخوک ءُ۔