کورونا وائرس، چین اٹ ہڑدے ئی زند نا بنا، مچ آ دنیا ٹی 80 درسَد ناجوڑ گڑتی تیان پیشن

0

Get real time updates directly on you device, subscribe now.

 بیجنگ (آن لائن) دنیا ٹی کرونا وائرس آن کہوک آتا کچ 67 ہزار آن زیات وخت اس کہ زہمی تا کچ 1 لکھ 92 ہزار 309 مس، جہانی ادارہ جانجوڑی پارینے کہ 80 درسد ناجوڑ آتا حالیت جوان، 13.8 درسد درمانی حالیت اٹی وخت اس کہ 6.1 درسد خطرناک حالیت اٹی ءُ۔ جہانی میڈیا نا رداٹ وائرس آن بچنگ کن کروک آ گام گیج آتا سوب آن یورپ تون اوار دنیا نا کیہی ملک آتیٹی لاک ڈاون ، سیم و اُلسی ہند آتا بندی و راجی و اُلسی کاریم تیا پابندی نا سوب آن کروڑ آ بندغ آک بیرہ تینا اُرا تیٹی ءُ۔ لیبیا، لاطینی امریکہ، قطر تون اوار کیہی ملک آتیٹی سیم تا بندی تون اوار شاری تے اُرا تیٹی سلنگ کن گام گیج کننگ انگ ءِ۔ درملکی خبر رساں ادارہ نا رداٹ کرونا وائرس نا بنجا چین اٹ زند مدان مدان مالو نا وڑاٹی بننگ اٹی ءِ۔ ملک انا 34 آن 13 صوبہ غاتیٹی کرونا وائرس آ پورو وڑ اٹ کنٹرول کننگانے۔ 81 ہزار پک ءُ کیس آتیٹی 69 ہزار جانجوڑ مرسا تینا اُرا تیا پدی ہنانو۔ چین اٹ دَین انا بنجا صوبہ ہوبی ئس ہراڑے مدان مدان طبی کمامدار آتا کچ کم مرسا ءِ۔ وخت اس کہ اوڑے بیرہ 10 ہزار کیس بچانو۔ کیہی شارتیٹی سفری پابندی تے ایسر کننگا و کاریم تے مالو نا وڑ بحال کننگانے۔

Get real time updates directly on you device, subscribe now.

Leave A Reply

Your email address will not be published.