بلوچستان ‘پوسٹ گریجویٹ ڈاکٹر آتا تنخواہ تے کن ہشت کروڑ روپئی جاری

0

Get real time updates directly on you device, subscribe now.

کوئٹہ(اے پی پی) حکومت بلوچستان بولان میڈیکل کمپلیکس ہسپتال و سول سنڈیمن ہسپتال کوئٹہ ٹی خذمت سر تروک آ 80پوسٹ گریجویٹ ڈاکٹر آتا تنخواہ تیکن ہشت کروڑ روپئی جاری کرے، غٹ پوسٹ گریجویٹ ڈاکٹر آتے ہشت تُو انا سلوک آ پیسہ غاتے ہم تننگک، داہیتءِ میڈیکل سپرنٹنڈنٹ بولان میڈیکل کمپلیکس ہسپتال ڈاکٹر محمدسلیم ابڑو خبر ایجنسی تون گپ وتران کرسا پارے۔ اوپارے کہ صوبائی دارالحکومت کوئٹہ نا ہڑتوم آ بھلا ہسپتال آتے ٹی طبی خذمت سر تروک آ پی جی ڈاکٹرز آک کروناوائرس نا ساڑی آ حالیت آتے ٹی انسانی خذمت نا جوزہ غان سرشار مرسا جم و جوش اٹ کاریم کننگ ءُ ، حکومت بلوچستان پی جی ڈاکٹر آتا تنخواہ تے جاری کننگ نا منظوری ءِ تسنے اومیت ءِ پی جی ڈاکٹرزآک داسہ مست آن ہم زیات خواری اتون کاریم کرسا قومی ایمرجنسی نا دانازرک وخت اٹی لائخی تا درشانی ءِ کیرہ اوپارے کہ بولان میڈیکل کمپلیکس ہسپتال ٹی کرونا وائرس نا ساڑی حالیت آتون مون تننگ کن غٹ بست وبند آک پورو ءُ، و بیست و چار گھنٹہ غاتے ٹی مسہ ششفٹ اٹ کاریم کننگ انگ ءِ، طب انا چاہندار و غٹ ڈاکٹرز آتیان ہلیس سوئیپرز آتسکان ساڑی ءُ وزیراعلیٰ بلوچستان جام کمال خان چیف سیکرٹری و سیکرٹری جان جوڑی بلوچستان طبی ریلیف و سرجزآتے براہ راست مانیٹر کننگ ءُ و دامسخت کن چیف سیکرٹری آفس اٹی جوڑ خصوصی کنٹرول روم تسلسل اتون فعال ءِ کرونا وائرس نا ساڑی چیلنج اتون مون تننگ کن غٹ تر دوئی وسیلہ غاتے کاریم اٹ اتنگ انگ ءِ و سوگو اومیت ءِ کہ حکومت و الس اواری اٹ کروناوائرس ءِ شکست تننگ اٹ سرسہب مریرہ۔

Get real time updates directly on you device, subscribe now.

Leave A Reply

Your email address will not be published.