صوبائی حکومت صوبہ ٹی تعلیمی آسراتی کن بھلو فنڈ اس جتا کرینے‘ لیاقت شاہوانی

کوئٹہ: ترجمان حکومت بلوچستان لیاقت شاہوانی پارینے کہ صوبائی حکومت صوبہ ٹی پوسکن آ تعلیمی آسراتی تا فراوانی کن دا سال انا بجٹ اٹ بھلو فنڈ اس جتا کرینے‘ داڑان صوبہ نا مر انگا علاقہ غاتا مار ومسڑ طالب علم آتے پوسکن آ تعلیم آن فائدہ ہرفنگ نا وارخواہی رسینگک۔ اوپارے کہ وزیراعلیٰ بلوچستان جام کمال خان نا جندی استخواہی اٹ صوبہ نا ہر ضلع ٹی بورڈنگ اسکول جوڑ کننگ انگ ءِ‘ او پارے کہ صوبہ نا ورناک بھاز لائخ و ذہین ءُ اوفتے تعلیمی آسراتی فراوان کننگے تو او ملک انا ایلو صوبہ غاتا طالب علم آتتون گو کننگ کیرہ و آخبت اٹ ملک صوبہ نا خذمت کن تینا لائخی تے کاریم اٹ اتنگ کیرہ۔ او پارے کہ وزیراعلیٰ جام کمال خان نا وژن ہم صوبہ ناپسماندگی ءِ چٹفنگ و تعلیم ءِ شون تننگ ءِ۔

(خ ن)