بلوچستان نا تعلیمی نظام بھسکاری نا دنگ آ سر مسنے، سردار یار محمد رند
Get real time updates directly on you device, subscribe now.
کوئٹہ(آن لائن/اے پی پی )صوبائی وزیر تعلیم سرداریارمحمد رند پارینے کہ ننا سسٹم کولیپس کرینے، دادے دوارہ گچین کننگ کن اواری اٹ کاریم کینہ، بلوچستان ایجوکیشن سپورٹ پروگرام نا دفتر اٹ ہم کمامدار آک ساڑی الوس، صوبہ ٹی کمامدارآک ساڑی افس، صوبہ ٹی تعلیمی نظام بھسکاری نا دنگ آ سر مسنے، محکمہ تعلیم ٹی کرپشن و وڈی خوری ٹی اختہ انگا افسر تا برخلاف کارروائی کننگک، ملازم آتا غیرحاضری آ ہچ ءُ سمجھوتہ اس کننگپک غیرحاضر افسرک و ایلو کمامدار آتا انکوائری تے کننگک۔ او پارینے کہ ای مالو ہم پاریسُٹ کہ کنا بدقسمتی ءِ کہ وزات ءِ سنبھالنگ آن پد کوروناوائرس بس ہراٹی ننا سیکرٹری کورونا وائرس نا گواچی مروک آ علاقہ غان پدی بننگ وخت آ اسلام آباد آ ہننگ آن پد ای ہم زہمی مسٹ، پاکستان تحریک انصاف نا بلوچستان اسمبلی ٹی پارلیمانی لیڈر صوبائی وزیر تعلیم سردار یار محمد رند ڈائریکٹر ایجوکیشن نا دفترآتیٹی غیر حاضر مروک آ آفیسر و عملہ نا برخلاف انکوائری نا پرمان کرے۔ سرجم حوال آتارداٹ وزیر تعلیم بلوچستان سردار یار محمد رند دوشنبے نادے آ محکمہ تعلیم نا دفتر آتا اناگت دورہ ءِ کرے۔ داوخت آ ایجوکیشن ڈائریکٹریٹ نا دفتر اٹی گیشتر آفیسر و عملہ ڈیوٹی تیان غیرحاضر ئسر، صوبائی تعلیم نا دورہ ٹی ڈائریکٹر کالجز، ڈائریکٹر اسکولز، 4 ڈپٹی ڈائریکٹرو 4 ایڈیشنل ڈائریکٹر ہم ڈیوٹی تیان غیر حاضرئسر۔