کنا مچ آ خاہوت دزگیر مرے ہم جمہوریت ءِ لپی مننگ کن الیپرہ، بلاول

0

Get real time updates directly on you device, subscribe now.

اسلام آباد ( آن لائن )پاکستان پیپلز پارٹی نا چیئرمین بلاول بھٹو زرداری واضح کرینے کہ کنا مچ آ خاہوت ءِ دزگیر کبو، ہژدہ میکو ترمیم ،آئین و جمہوریت ءِ لپی مننگ کن الیپرہ، پریشر محسوس کننگ اٹی اُن او ننے ہم لائن اٹ بننگ کن دھڑکو تننگ انگ ءِ، نن درو ہم پریشر اٹ بتنے او اینو ہم پریشر اٹی افن، کٹھ پتلی وزیراعظم ہاوس اٹ تولوک ءِ، اونا ڈور پین جاگہ اس سرک، دا نہ ملٹری کورٹ اسے نا ان کیمرہ کورٹ اسے، اُلس ءِ حق ارے عدالت آ بننگ نا او کارروائی ءِ ہُننگ نا، وکیل آتے عدالت آ بننگ آن توننگا ہراڑان کارروائی ٹی اُرے مس، انت دا کل جج آ پریشر شاغنگ نا کوشست اس ئس، داکنتون او کنا خاہوت تون نفسیاتی گوازی اس کننگ ءُ۔ پیپلز پارٹی یحیی خان، ضیاالحق و پرویز مشرف نا آمریت نا مقابلہ ءِ کرے، اینو ہم دا کٹھ پتلی حکومت نا مخالفت ءِ کننگ اٹی ءِ او کرسا کیک۔ تدوک آ دے احتساب عدالت اٹ توشہ خانہ ریفرنس اٹ مسکوہی صدر آصف علی زداری نا پیشی نا وخت آ بلاول بھٹو زرداری ہم عدالت اٹ ساڑی ئس۔ عدالت نا مون آ میڈیا تون ہیت وگپ کرسا او پارینے کہ نن محسوس کننگ اٹی اُن کہ ننے آ پریشر ارے، ننے دھڑکو تننگ انگ ءِ او پارینے کہ نن محسوس کننگ اٹی اُن کہ ننے آ پریشر ءِ، ننے دھڑکو تننگ انگ ءِ کہ نن لائن اٹ برین۔ نن ہم اسکرپٹ ءِ فالو کین تا کہ 18 میکو آئینی ترمیم، این ایف سی ایوارڈ اٹ بدلی مرے، تانکہ ایوان اٹی سٹی ءُ کانود منظور مریر ولے نن نہ درو پریشر اٹی بسن او نہ مستی برسہ کینہ۔

Get real time updates directly on you device, subscribe now.

Leave A Reply

Your email address will not be published.