صدر نا عالم آتتون رابطہ و سلابت نا جوان ءُ بھرم اس دوئی مریک، گورنر بلوچستان

0

Get real time updates directly on you device, subscribe now.

کوئٹہ (خ ن) گورنربلوچستان امان اللہ خان یا سین زئی پارینے کہ صدر پاکستان ڈاکٹر عارف علوی کسفوک ناجوڑی کورونا غان بچنگ کن مچ آ ملک انا عالم و مشائخ آتون پد ریسہ رابطہ و سلابت آن سرسہب حکمت عملی جوڑ کننگ نا اسہ پوسکن ءُ تاریخ اس پک کرے و دا رد اٹ اونا دا است انا سِخت اٹ کوشست آک ستا کڑزرہ۔ اوپارے کہ سلابت اٹ یکجہتی اٹ اعلامیہ جاری کننگ و رکھی گام گیج آتون اوار خاص وڑ اٹ جمعہ نماز و تراویح خواننگ نابابت حکمت پیدوار کننگ نا بھاز جوان ءُ بھرم اس دوئی مریک۔ دا خیال آتادرشانی ءِ او ہفتہ نادے گورنر ہاﺅس کوئٹہ ٹی مچ آ صوبہ نا جید آ عالم دین و مشائخ آتون ہیت وگپ کرسا کرے۔ یات سلے کہ صدرپاکستان ڈاکٹر عارف علوی ہفتہ نادے کورونانا ناجوڑی آن ودی مروک حالیت آتارد اٹ مذہبی مچی خاص وڑ اٹ جمعہ نماز و تراویح خواننگ نابابت مچ آ ملک انا جید آ عالم دین و غٹ صوبہ غاتا گورنر تتون باقاعدہ ویڈیو کانفرنس نا بست وبند کریسس۔ بلوچستان آن گورنر بلوچستان امان اللہ خان یاسین زئی‘ مچ آ صوبہ نا عالم دین و مشائخ آتیان بیدس آئی جی پولیس بلوچستان محسن حسن بٹ، ایڈیشنل چیف سیکرٹری داخلہ حافظ عبدالباسط و صوبائی سیکرٹری بالاچ عزیز ہم ساڑی ئس۔ صدر پاکستان تون ویڈیو کانفرنس نا اخیر اٹ گورنر بلوچستان عالم دین و مشائخ آتون ہیت وگپ کرسا پارے کہ کورونا نا سوب آن ودی مروک حالیت اٹ مچ آ صوبہ نا عالم دین و مشائخ آک نئے بیرہ غٹ رکھی گام گیج آتے پک کریر بلکہ الس ءِ ہم المی رکھی گام گیج آتیا سختی اٹ عملدرآمد کننگ ناسبخ ترسا بسنو۔ گورنر بلوچستان پارے کہ ننے روچہ مبارک اٹ جماعت اٹ نماز آتون اوار مچی اٹ با ملنگ نا وخت آ ہم کورونا نا حساسیت ءِ سنجیدہ ہلنگ و جانجوڑی نا غٹ اصول آتے سختی اٹ تینائی کننگ ناگرج ءِ۔ اخیر اٹ گورنر بلوچستان و عالم دینک کورونا غان بچنگ کن خصوصی دعا کریر۔

Get real time updates directly on you device, subscribe now.

Leave A Reply

Your email address will not be published.