سڑک آتا تفنگ نا وخت آ آب آ ہچ سمجھوتہ کننگپک، جام کمال خان

0

Get real time updates directly on you device, subscribe now.

کو ئٹہ (خ ن) وزیراعلیٰ بلوچستان جام کمال خان پارینے کہ کوئٹہ شار انا شونداری و شرحالی نا گرج آتے مون آ تخسا سڑک، نکاسی آب انا نظام و فٹ پاتھ آتا تفنگ کن بھلو فنڈ اس جتا کننگانے۔ دا ڈَٹ ڈَول آتا پوروی ن شاریک تینا شار اٹی اسہ مثبت و گچین ءُ بدلی اس خنرہ۔ دا ہیت آتا درشانی ءِ او شار انا چندی سڑک آتا تفنگ و جوڑجاڑ نا ڈٹ آتیٹی اوار سرکلر روڈ انا کاریم نا جاچ انا وخت آ کرے۔ محکمہ مواصلات و تعمیرات نا کمامدار آک وزیراعلیٰ ءِ بریفنگ تسر۔ وزیراعلیٰ سڑک نا تفنگ نا آب انا جاچ ءِ ہلسا پارے کہ داکان مست مئی و جون انا تُو تیٹی سڑک آتے اشتاف کرسا کارپٹنگ کننگاکہ۔ و منہ تُو اٹ سڑک آک دوارہ پنارہ۔ وزیراعلیٰ پارے کہ تعمیراتی کاریم تا آب آ اسُل سمجھوتہ کننگپک۔ او سڑک آتا رہی تیٹ پر تا دیر اکن ڈرینیج تفنگ و نکاسی آب انا نظام نا گچینی نا ڈٹ آتے ہم آب اٹ کننگ کن پارت کرے۔

Get real time updates directly on you device, subscribe now.

Leave A Reply

Your email address will not be published.