کرونا ءِ توننگ کن جہانی کہول انا رد اٹ حکمت عملی اس ٹہیفنگے‘جام کمال

0

Get real time updates directly on you device, subscribe now.

کوئٹہ(آن لائن)وزیراعلیٰ بلوچستان جام کمال خان کرونا وائرس نا چیلنج تون مون تننگ کن جہانی کہول آ مروک آ پوسکن آ ریسرچ و جہانی ادارہ جانجوڑی نا پروٹوکول نا رداٹ حکمت عملی نا تیاری و کرونا وائرس نا سوب آن راجی و زرگزرانی بشخ آتیٹی مروک آ اثر تا جاچ ءِ ہلنگ نا پارت کرینے۔ وخت اس کہ وزیراعلی نا اُلس نا آسراتی و کرونا وائرس نا توننگ و رکھنگ نا بابت اُلس ءِ معلومدار کننگ کن زوت اس ہیلپ لائن ڈیسک اس جوڑ کننگ نا پارت کرینے۔ کرونا وائرس نا بابت اٹ وزیراعلی سیکرٹریٹ اٹ جوڑ انگا کنٹرول روم نا افسر تا دیوان اٹ تینا خیال آتا درشانی ءِ کرسا وزیراعلی پارینے کہ وزیراعلی سیکرٹریٹ اٹ کنٹرول روم نا جوڑ کننگ نا مسخت کرونا وائرس نا توننگ کن کروک آ گام گیج و کوشست آتے جوان کننگ و گنڈوک آ ادارہ غاتا جوان کمک ءِ کننگ نا ءِ۔ سیکرٹری جانجوڑی او وخت آ کرونا وائرس نا ٹیسٹ انا بابت اٹ معلومدار کرسا پارینے کہ کہ دا وخت آ چار پوسکن ءُ ٹیسٹنگ مشین تا رداٹ ٹیسٹ کننگ نا کچ اٹ ودکی کننگانے او دوئی کروک آ ایکسٹریکشن مشین نا کمک اٹ اینو کوئٹہ نا کرنٹائن اٹ 64 ٹیسٹ کننگا او پگہ اسکان پین اِرا ٹیسٹنگ مشین و این آئی ایچ آن ہزار ٹیسٹ اکن کٹ انا بننگ نا گمان ارے، وزیراعلی پارت کرینے کہ کوئٹہ نا کرنٹائن اٹ ساڑی کل زائر تا زوت اس ٹیسٹ آتے کننگے او ٹیسٹ مثبت بننگ نا وڑاٹ ہمو بندغ ءِ زوت اس آئسولیشن روم اٹ گدریفنگے۔ وزیراعلی ہر ضلع نا کرونا وائرس پروفائل ءِ تیار کننگ نا پارت کرینے۔

Get real time updates directly on you device, subscribe now.

Leave A Reply

Your email address will not be published.