جہاندمی وزیرستان اٹی دہشتگرد آتا برخلاف آپریشن، پاک فوج انا 4 ورنا شہید

0

Get real time updates directly on you device, subscribe now.

راولپنڈی (مانیٹرنگ ڈیسک) جہاندمی وزیرستان نا علاقہ دتہ خیل اٹ دہشتگرد آتا برخلاف آپریشن اٹی لیفٹیننٹ اسے تون اوار 4 فوجی ورنا شہید مسر۔ پاک فوج انا شعبہ تعلقات عامہ (آئی ایس پی ر) نا رداٹ خیبرپختونخوا نا ضلع جہاندمی وزیرستان نا علاقہ دتہ خیل نا سویل دے کی ٹی 7 کلومیٹر مُر ماما زیارت اٹ انٹیلی جنس بنداو آ کارروائی کننگا۔ آئی ایس پی آر پارینے کہ آپریشن اسہ ڈکھوک ءُ جاگہ سے ٹی ٹی دہشت گرد آتا ساڑی گری نا ڈس آ کننگا ہراڑے سم کاری آن 7 دہشت گرد تپاخت کریر، آئی ایس پی آر نا رداٹ آپریشن اٹی پاک فوج نا 4 ورندا شہید و اسٹ اس ٹھپی مس وخت اس کہ آپریشن اٹی دہشت گرد آتا جاگہ غان سلہہ و گولہ بارود نا بھلو مڈی اس دوئی کننگا۔ آئی ایس پی آر پارینے کہ شہید آتیٹی لاہور نا 26 سال نا لیفٹیننٹ آغا مقدس علی خان، لیہ نا 24 سال نا سپاہی محمد قاسم، نارووال نا 23 سال نا سپاہی توصیف و 36 سال نا لیہ نا باتی لانس حوالدار قمر ندیم اوار ءُ۔

Get real time updates directly on you device, subscribe now.

Leave A Reply

Your email address will not be published.