بنجائی حکومت نا مچ آ ملک اٹ امتحان تے یکم جون اسکان پد بٹنگ نا پڑو

0

Get real time updates directly on you device, subscribe now.

اسلام آباد(اے پی پی) بنجائی وزیر تعلیم شفقت محمود پارینے کہ پاکستان اٹی کیمبرج سسٹم تون اوار غٹ بورڈآتا امتحان تے ملتوی کننگانے، حالیت آتا گچین مننگ نادروشم اٹ بورڈانا امتحانک یکم جون آن پد مریرہ، کرونا وائرس نا بابت جاچ ءِ ہلسا کینہ، طالب علم آتا رکھ اکن اولیتی بنداو تیا گام گیج کننگ آن، وزیراعظم عمران خان ءِ دا غٹ فیصلہ و حالیت آتیان معلومدار کرین، 27مارچ آ بین الصوبائی وزراءکانفرنس ءِ بٹنگ انگانے ہراٹی 5اپریل آن پد اسکول آتے ملنگ نا فیصلہءِ کننگک، فیڈرل بورڈ اٹی اسہ مرکز اسے ٹی پیپر مارکنگ کروک آتا کچ 40آن زیات مف۔ داخیال آتا درشانی ءِ او چارشنبے نادے آ پریس انفارمیشن ڈیپارٹمنٹ اٹی پریس کانفرنس اٹی کرے۔ بنجائی وزیر پارے کہ حکومت غٹ تعلیمی ادارہ غاتے 5اپریل اسکان بند کننگ نا فیصلہ ءِ کرینے ہراڑا پورو عملدرآمد مننگ ءِ۔ آخبت نا لائحہ عمل کن صوبائی وزیر تعلیم آتون رابطہ ٹی آن، 27مارچ آ آخبت نا لائحہ عمل نا فیصلہ ءِ کینہ۔ اوپارے کہ مچ آ ملک اٹی یکم جون اسکان غٹ امتحان تے ملتوی کننگانے۔ کیمبرج سسٹم تون اوار غٹ بورڈ انا امتحان تے پد بٹنگانے۔ اگہ حالیت آک گچین مریرہ تو بورڈ انا امتحانک یکم جون آن پد مریرہ۔ کیمبرج امتحان تا فیصلہ ءِ کیمبرج ءِ کروئی ءِ انتئے کہ ایلو جاگہ غاتیا ہم امتحانک مفسہ۔ تدوک آ انٹر پراونشل میٹنگ اٹی فیصلہ کننگاکہ یونیورسٹی ٹی داخلہ غاتا شیڈول ءِ ہم اسہ تو کن پد بٹنگانے۔ دا گام گیج آتے داخاطرآن کننگ انگءِ تانکہ چناک دانا رداٹ تینا تیاری ءِ کننگ کیر۔ نن یونیورسٹی تے ہم ہاسٹل آتے خورک کرفنگ ناپارت کرین ولے بیرہ درملکی طالب علم آک ہی ہاسٹل اٹی رہینگ انگ کیرہ۔ فیکلٹی نا اسکول و یونیورسٹی تیا بننگ المی اف ولے اگہ انتظامیہ اوفتے بٹنگے او ولدا او بننگ کیرہ۔ نن کوشست کننگ آن کہ اُراتیٹی خواننگ نا وڑوڈول اس تینا کننگے کہ چناک آن لائن لیکچر ہلنگ کیر۔ دا بابت پی ٹی وی تون ہیت وگپ مننگ ءِ۔ اوپارے کہ کرونا نا سوب آن مچ آ دنیا اسہ بھاز بھلو چیلنج اسے آن گدرینگ انگ ءِ ، انسان ءِ تاریخ اٹی داخہ بھلو چیلنج تون مون تروئی تمتنے۔

Get real time updates directly on you device, subscribe now.

Leave A Reply

Your email address will not be published.