دورہ چینی سرکڑدہ و الس تون یکجہتی نا درشانی ءِ کن ئس، شاہ محمود قریشی

0

Get real time updates directly on you device, subscribe now.

اسلام آباد(اے پی پی) وزیر خارجہ مخدوم شاہ محمود قریشی پارینے کہ چین نا دورہ ءِ کننگ نا مسخت چینی سرکڑدہ و الس تون یکجہتی نا درشانی ءِ کننگ ئس، چین و پاکستان نا تعلقداریک بے مٹ ءُ، نن ہر سختی نا وخت آ اسہ ایلو تون تفینن۔ چارشنبے نادے آ چین نا دورہ و کرونا وائرس آگاہی نا بابت اہم بیان اٹی وزیر خارجہ پارے کہ داسہ کہ چینءِ سختی اس ہلکنے، تو ننے اوفتتون یکجہتی نا درشانی کروئی ئس۔ ہراتم کرونا وائرس نا دین مون آ بس توگیشتر ملک آک تینا شاری تے چین آن کشار ہرادے چین بے پتی نا اشارہ تکا وخت اس کہ پاکستان چین نا حکومت آ پت انا درشانی ءِ کرسا تیان طالب علم آتے ہموکان کشپننگ نا فیصلہءِ کرے۔ اوپارے کہ دروہراتم ننا چینی صدر، وزیراعظم و ایلو سرکڑدہ غاتون اوڑدہی مس تو اوپاکستان نا فیصلہ و چین آ پت انا بے حد ستاءِ کرے۔ درو ننا ویڈیو کانفرنس نا کمک اٹ ووہان نا چندی یونیورسٹی تیٹی خوانوک آ پاکستانی طالب علم آتون گپ وتران مس۔ الحمد اللہ او غٹ جان جوڑی و پرعزم ئسرچینی حکومت اوفتا بے حد خیال ءِ تخا۔ چار پاکستانی مسن تے اللہ تعالیٰ اولاد نا نعمت ءِ تس۔ دا طالب علم آتا پاننگ ئس کہ مہالو ننا لمہ و باوہ ءِ ننا فکر ئس داسہ ننے اوفتا فکر ءِ۔

Get real time updates directly on you device, subscribe now.

Leave A Reply

Your email address will not be published.