ول ویچڑ ویل آتا پائیدار ایسر سنجیدہ فیصلہ غاتا منتوار مریک، گورنر بلوچستان
Get real time updates directly on you device, subscribe now.
کوئٹہ(اے پی پی)گورنر بلوچستان امان اللہ خان یاسین زئی پارینے کہ ول ویچڑ ویل آتا پائیدار ایسر سنجیدہ فیصلہ غاتے ٹی اودیم ءِ۔ اوپارے کہ کرونا وائرس بے کچ اہم و حساس نوعیت نا ویل ءِ و دانا گڑتی ہم ودانے ولے کروناوائرس ءِ شکست تننگ کن حکومت و الس ہڑتوم آک تیار ءُ۔ اوکرونا وائرس نا سوب آن تالان مروک آ ناجوڑی نا برخلاف چست کروک آ دمدستی و وخت آ حکومتی گام گیج آتیا است جمی نا درشانی ءِ کرسا پارے کہ الس اٹی کرونا وائرس نا برخلاف اجتماعی احساس تالان کننگ و توننگ کن حکومتی گام گیج آتے پین گچین کننگ نا سخت گرج ءِ۔