کرونا وائرس دنیا نا 165ملک اسکان سر مس، زوال کروک آتا کچ 8 ہزار ءِ خڑک شاغا

واشنگٹن(اے پی پی) کرونا وائرس دنیا نا 165ملک آتسکان تالان مس، مچ آ دنیا ٹی زوال کروک آتا کچ 7ہزار987مس، اسہ لکھ 98ہزار 422بندغ کرونا وائرس آن زہمی مسنو۔ جہانی ادارہ جان جوڑی خبڑدار کرینے کہ سویل دے ٹکی ایشیائی ملک آتے وائرس تون مون تننگ کن دمدستی گام گیج کروئی مریک۔ اٹلی ٹی حالیت آک بدترین مسنو، اسہ دے اٹی پین 345بندغ زوال کریر، کہوک آتا کچ 2503مس۔ ایران اٹی پین 135بندغ نا زوال کننگ آن پد کہوک آتا کچ 988اسکان ہنا سرمس۔سپین اٹی ہم کرونا آن پین 191بندغ جان آن دوتے سلارولے چین اٹی حالیت آک گچینی نا کنڈآہِننگ ُ۔ ہراڑے اسہ دے اٹی 11بندغ زوال کریر وخت اس کہ 13پوسکن ءُ کیس مون آ بسنے۔ امریکہ ٹی کرونا آن پین 29بندغ وخت اس کہ کہوک آتا کچ 115مسنے۔ امریکہ کرونا وائرس آن ودی مروک آ زرگزرانی تنکی نا سوب آن اسہ ٹریلین ڈالر نا پیکج نا پڑو ءِ کرینے ہرافتیان 250ارب براہ راست شاری تیٹی بشخنگک۔ بھارت اٹی کروناآن زوال کروک آ بندغ آتا کچ 3مس وخت اس کہ 143بندغ زہمی ُ۔ جرمنی ٹی 26، سویلی کوریا ٹی 84، فرانس اٹی 175، برطانیہ ٹی 71، کینیڈا ٹی 8بندغ کرونا غان زوال کرینو۔