فلحال ٹی 20 ورلڈکپ نا شیڈول اٹ ہچو بدلی کپنہ‘ آئی سی سی

0

Get real time updates directly on you device, subscribe now.

سڈنی (مانیٹرنگ ڈیسک) کرونا وائرس نا خلیس آن پد ہم فی الحال مینز ٹی 20 ورلڈ کپ نا شیڈول اٹ ہچ ءُ بدلی اس کننگپک۔ کمامدار آک پارینو کہ ایونٹ 18 اکتوبر آن 15 نومبر اسکان آسٹریلیا ٹی مریک۔ آئی سی سی مینز ٹوئنٹی 20 ورلڈ کپ اٹ پری کوالیفائنگ راو ¿نڈ جیلونگ و ہوبارٹ اٹ 18 آن 23 اکتوبر اسکان اڈ ہلیرہ، مین 12 ٹیم تا ایونٹ24 اکتوبر آن شیڈول ءِ، بنائی دے تیٹی سڈنی ٹی آسٹریلیا و پاکستان وخت اس کہ پرتھ اٹ بھارت و سویلی افریقہ نا مقابلہ مریک۔ دا وخت آ مچ آ دنیا ءِ کرونا وائرس نا دَین تینا گواچی کرینے، فلحال کیہی اسپورٹ ایونٹ آتے چٹفنگ نا فیصلہ کننگانے، وخت اس کہ آئی سی سی و ہندی آرگنائزنگ کمیٹی مینز ٹی 20 ورلڈ کپ نا شیڈول اٹ داسکان کن ہچو بدلی اس کپننگ نا فیصلہ کرینے۔ ایونٹ کن ٹکٹ آتا بہا خدو اکتوبر آن برجا و داسکان کن آفیشل ویب سائٹ آ ساڑی اریر۔ آئی سی سی پڑو کرینے کہ آرگنائزنگ کمیٹی شیدائی و اسٹیک ہولڈر آتے ساڑی حالیت آتیان معلومدار کرسا کیک۔ ایلو کنڈآ کرکٹ آسٹریلیا نا چیف ایگزیکٹیو کیون روبرٹس پارینےکہ کورونا وائرس نا سوب آن ہر بابت اٹ بھلو فیصلہ کننگ سخت ارے، ہندا سوب آن نن ٹی 20 ورلڈ کپ نا شیڈول اٹ فی الحال ہچو بدلی اس کپننگ اُن، وخت اس کہ شیڈول نا رداٹ کاریم تے مونی دینہ، تیاریک برجا سلرہ او نن 15 نومبر آ میلبورن کرکٹ گراو ¿نڈ اٹ فائنل نا وخت آ پر ہاو ¿س فل کراو ¿ڈ نا خواہندار اُن۔ او پارینے کہ ننے کس اس داخس دانا اف کہ مُر اسکان ہننگ کے، ہندا سوب آن نن اومیت کینہ کہ اکتوبر،نومبر اسکان حالیت آک جوان مریرہ۔

Get real time updates directly on you device, subscribe now.

Leave A Reply

Your email address will not be published.