کرونا وائرس نا سوب آن پاک ایران بارڈر 24می دے آہم بند ئس

0

Get real time updates directly on you device, subscribe now.

کوئٹہ(اے پی پی) ترجمان حکومت بلوچستان لیاقت شاہوانی پارینے کہ کروناوائرس نا سوب آن پاک ایران بارڈر 24می دے آہم بند ئس، صوبہ ٹی 6کرونا کیس آتا پک مننگ آن پد جم وڑاٹ بلوچستان اٹی مریض آتا کچ 16مسنے ہرافتے ٹی گیشتری ناتعلق جتا علاقہ غاتیان ءِ، داخیال آتا درشانیءِ چارشنبے نادے آ “اے پی پی” تون گپ وتران کرسا کرے۔ ترجمان حکومت بلوچستان پارے کہ پاک ایران 24دے وخت اس کہ پاک اوغان بارڈر 13می دے آن پورو وڑاٹ بند ءُ، کرونا وائرس نا گڑتی نا رداٹ حکومت بلوچستان ہڑتوم آ سیم تے بند کننگ نا فیصلہ کریسس سیم تا بندش نا سوب آن واپار نا چرجوئی ہم بند ءِ، اوپارے کہ کوئٹہ ٹی پین 6بندغ اٹی کرونا وائرس پک مسنے جم وڑاٹ دا کچ 16مسنے، تدوک آ دے ہرا6بندغ اٹی کرونا وائرس پک مسنے اوفتے ٹی فاطمہ بی بی، نشاءبتول، شرمیل، امداد علی، غلام علی و حکمت علی اوار ءُ، دابندغ آتا تعلق سندھ و پنجاب نا جتا علاقہ غاتیان پاننگ انگ ءِ اوپارے کہ صوبائی حکومت نا غٹ تر چکار کرونا وائرس نا توننگ آٹے غٹ تعلیمی ادارہ و بھلو کچ اسے ٹی سرکاری دفتر آتے بند کننگانے ہرا سرکاری دفترآک ملوک ءُ ہموڑے ہم بے کچ احتیاط کننگ انگ ءِ۔

Get real time updates directly on you device, subscribe now.

Leave A Reply

Your email address will not be published.