امریکہ تون تعلقداری تے مونی دننگ خوانہ، پاکستان

2022ء نا نوکاپ آن پد بحالی کن پاکستان و اونا الس تون امریکی یکجہتی و مخ تفی نا درشانی ءِ کرے،سیکرٹری خارجہ

0

Get real time updates directly on you device, subscribe now.

اسلام آباد : سیکرٹری خارجہ ڈاکٹر اسد مجید خان تون امریکی محکمہ خارجہ نا قونصلر ڈیرک شولے داڑے وزارت خارجہ ٹی اوڑدہی کرے۔ دفترخارجہ نا کنڈآن جاری بیان نا رداٹ سیکرٹری خارجہ امریکی محکمہ خارجہ نا عہدیدار ءِ بخیر کرسا پارے کہ پدریسہ ہڑتوم آ کنڈآتا دورہ پاکستان و امریکہ نا مثبت رویہ غاتا درشانی ءِ۔ سیکرٹری خارجہ ہڑتوم آ ملک آتا نیام اٹ ارٹ میکو مڈلیول دفاعی ڈائیلاگ و واشنگٹن اٹی مروک آواپاری و زرکاری نا فریم ورک ایگریمنٹ کونسل نا دیوان آ است جمی نا درشانی ءِ کرے۔ او ادارہ جاتی مذاکرات نا کمک اٹ واپار و زرکاری، توانائی، سلامتی، چاگڑدی بدلی و جان جوڑی نا بشخ آتیٹی پائیدار کمکاری نا اہمیت آ زور شاغا۔ ڈاکٹر اسد مجید خان کشت وکشار، تعلیم، آئی ٹی و سائنس و ٹیکنالوجی ٹی کمکاری ءِ ودفنگ نا گرج ءِ ہم تالان کرے۔ امریکی محکمہ خارجہ نا قونصلر ڈیرک شولے پارے کہ امریکہ پاکستان تون ہڑتوم آ کنڈآتا تعلقداری تے مون آ دننگ کن سنبرینگوک ءِ۔ او 2022ء نا نوکاپ آن پد بحالی کن پاکستان و اونا الس تون امریکی یکجہتی و مخ تفی نا درشانی ءِ کرے۔ سیکرٹری خارجہ امریکی مخ تفی آ قونصلر نا منت واری ءِ ہرفے و اومیت ظاہر کرے کہ امریکہ مریس مدتی بحالی نا کوشست آتیٹی پاکستان نا مخ تفی ءِ برجاتخک۔ ڈیرک شولے تون امریکی ایجنسی جہانی شونداری نا قونصلر کلنٹن وائٹ، پاکستان اٹی امریکی سفیر ڈونلڈ بلوم و امریکی محکمہ خارجہ ٹی سویلی ونیامی ایشیائی امور نا بیورو نا پرنسپل اسسٹنٹ سیکرٹری الزبتھ ہورسٹ ئسک ہم ساڑی ئسر۔

(اے پی پی)

Get real time updates directly on you device, subscribe now.

Leave A Reply

Your email address will not be published.