پرویز الٰہی نا آڈیو لیک، ایف آئی اے نا باقاعدہ جاست پاست نا بنا
Get real time updates directly on you device, subscribe now.
اسلام آباد : مسکوہی وزیراعلیٰ پنجاب پرویزالٰہی نا آڈیو لیک نا باندات آ وزیرداخلہ رانا ثناء اللہ ایف آئی اے ءِ جاست پاست نا باقاعدہ موکل تسنے۔ میڈیارپورٹ نا رد اٹ ایف آئی اے ٹی پرویزالہیٰ نا لیک آڈیو تا جاست پاست نا بنا مس‘ ایف آئی اے اولیکو مرحلہ ٹی آڈیو تا فرانزک کرفنگ نافیصلہ کرینے۔ ایف آئی اے نا حوالی نا رد اٹ پرویزالہیٰ نا آڈیو تے فرانزک کن لاہور لیب آ راہی کننگک۔ فرانزک رپورٹ ءِ وزارت داخلہ ءِ تننگک‘ آڈیو نا اصل مننگ آ مقدمہ درج کننگک‘ حوالی نا رد اٹ وزیرداخلہ رانا ثناء اللہ تدوک آدے پریس کانفرنس اٹ ہم آڈیو تا جاست پاست نا پڑو کریسس۔
(آن لائن)