سیندک میٹل لمیٹڈ بلوچستان ءِ اونا بشخ انا 2.5 ارب روپئی نا چیک ءِ تس
Get real time updates directly on you device, subscribe now.
کوئٹہ: وزیراعلیٰ بلوچستان میر عبدالقدوس بزنجو ناکماشی ٹی صوبائی حکومت اسہ پین اہم ءُ سرسہبی اس سر تس۔ سیندک میٹل لمیٹڈ (ایس ایم ایل) آغاز حقوق بلوچستان نا رد اٹ بلوچستان ءِ اونا بشخ ءِ تس۔ وزیراعلیٰ ءِ مینیجنگ ڈائریکٹر ایس ایم ایل محمد رازق سنجرانی 2.5 ارب روپئی نا چیک ءِ تس۔ سینئر صوبائی وزیر ڈٹ بندی و ترقیات نور محمد دمڑ، وزیر خزانہ انجینئر زمرک خان اچکزئی و وزیراعلیٰ نا پرنسپل سیکرٹری عمران گچکی ہم دا وخت آساڑی ئس۔ آغاز حقوق بلوچستان نا رد اٹ چیک تننگ وزیراعلیٰ بلوچستان میر عبدالقدوس بزنجو ناصوبہ نا وسیلہ غاتا رکھ انا اصولی موقف ءِ پک کننگ ءِ۔ یات سلے کہ وزیراعلیٰ نا کوشست آتے ٹی سیندک میٹل لمیٹڈ بورڈ انا فنانس کمیٹی نا دیوان اڈ ہلکوسس‘ دیوان اٹ صوبہ ءِ حقوق بلوچستان نا رد اٹ ایس ایم ایل بورڈ انا فنانس کمیٹی و بنجائی حکومت نا منظوری اٹ صوبہ ءِ اونا بشخ ءِ تننگ نا منظوری تننگاسس۔
(خ ن)