مریم نواز شریف تون پنجاب اسمبلی نامسکوہی باسک آتا اوڑدہی
لاہور : مسلم لیگ ن نا سینئر نائب صدر و چیف آرگنائزر مریم نواز شریف پارینے کہ ہر حال اٹ مون ترسا پارٹی نا بیرک ءِ چست کروک آ راہشون و کارندہ غاک ننا کاٹم نا خواجہ غاک ءُ‘ ملک و الس ناویل آتے ایسر کننگ نا تینا تاریخ ءِ دہرائفنہ۔ پاکستان مسلم لیگ (ن) نا سینئر نائب صدر و چیف آرگنائزر مریم نواز شریف تون پنجاب اسمبلی نا مسکوہی باسک آک اوڑدہی کریر‘ اوڑدہی ناوخت آ صدر پاکستان مسلم لیگ ن لاہور سیف الملوک کھوکھر، جنرل سیکرٹری خواجہ عمران نذیر و زالبول ونگ لاہور نا صدر سعدیہ تیمور ہم ساڑی ئس‘اوڑدہی ٹی پارٹی نا تنظیم سازی وآخبت نا سیاسی حکمت عملی نا امورتیا سجفنگا‘ دیوان اٹ سوشل میڈیا و یوتھ ونگ آتے یونین کونسل نا کہول اسکان منظم کننگ نا حکمت عملی آ سلابت کننگا‘ بروک آ گچین کاری تا تیاری‘ ویل آتا نشاندہی و اوفتے زوت ایسر کننگ نا حکمت عملی ترتیب تننگا۔
(آن لائن)