رضا ربانی نا قومی سیکورٹی پالیسی ءِ ایوان اٹ پیش کننگ نا خواست

0

Get real time updates directly on you device, subscribe now.

اسلام آباد: پاکستان پیپلز پارٹی نا سینیٹر میاں رضا ربانی قومی سیکیورٹی پالیسی ءِ ایوان اٹ پیش کننگ نا خواست کرسا پارینے کہ سیاسی جماعت و صوبہ غاتتون سلاہ سوج ہلنگ آن بیدس جامع پالیسی اس جوڑ کننگ مفک، سَے شنبے نا دے سینیٹ نا دیوان اٹی سینیٹر میاں رضا ربانی پارے کہ پاکستان اٹی پارلیمانی طرز حکومت ءِ، ولے زُوت آتیٹ نیشنل سیکیورٹی پالیسی ٹی پارلیمان تون اوار صوبہ غاتے ہم گوجالنگا، و اسہ کمیٹی اس پالیسی ءِ منظور کرسا کابینہ نا مون آ پیش کرے۔ او پارے کہ دا ر داٹ وزیر اعظم بایدے پارلیمان اٹ ٹِک آتے پیش کروسس، ولے دن متو۔ و ایون نا دے اسکان دا پالیسی پارلیمان اٹ پیش متنے، تانکہ پارلیمان و صوبہ غاتا، و سول سوسائٹی نا سلاہ سوج آک دا پالیسی ٹی اوار کننگپسہ، دادے امنا کننگ مفک۔ او خواست کرے کہ نیشل سیکیورٹی پالیسی ءِ ایوان اٹ پیش کننگے، ہراڑا قائد ایوان ڈاکٹر وسیم شہزاد پارے کہ داکان مست اسہ حکومت اس ہم نیشنل سیکورٹی پالیسی جوڑ کتنے، دا ساڑی حکومت کن شرف مندی اسے۔ او پارے کہ پالیسی نا جوڑ کننگ نا وخت آ کل اسٹیک ہولڈر آتے سلہ خلنگاسس، ولے بد بختی نا ہیت اسے کہ دا رد اٹ اپوزیشن دیوان آن بائیکاٹ کرے، دا پالیسی نا اِرا بشخ ءُ، دا رد اٹ سینیٹ نا دفاع کمیٹی ءِ سرجم بریفنگ تننگانے۔ دا پالیسی ءِ ایوان تون اوار ہر فورم آ پیش کینہ، گڈ سر اٹ سینیٹ نا دیوان جمعہ 21جنوری اسکان پد بٹنگا۔

Get real time updates directly on you device, subscribe now.

Leave A Reply

Your email address will not be published.