پشاور، پاکستان تحریک انصاف خیبرپختونخوا نا سیکرٹری حوالکاری و مسکوہی صوبائی وزیر شوکت یوسفزئی پارینے کہ نن دہشتگردی نا مدام مذمت ءِ کرینن و دہشت گردی نا برخلاف جنگ اٹی تینا فوج اتون اوار اُن۔ شوکت یوسفزئی پارے کہ نم دہشت گردی نا چٹفنگ نا پن آ بسُرے و پی ٹی آئی نا برخلاف کریک ڈاؤن بنا کریرے، نم پی ٹی آئی ءِ چٹفنگ کن بسنرے یا دہشت گردی ءِ چٹفنگ کن؟ پی ٹی آئی نا ورکر آتا برخلاف کریک ڈاؤن کننگ انگ ءِ، چادر و چاردیوالی نا شرف ءِ لتاڑنگ انگ ءِ۔ او پارے کہ مذاکرات تو مستین ہم مسوسس، نن مدام دہشت گردی نا مذمت ءِ کرینن، دہشت گردی نا برخلاف جنگ اٹی تینا فوج اتون اوار اُن، دوبہ خلنگک کہ پولیس ءِ فنڈ تننگپک، خیبرپختونخوا حکومت 2 درسد بجٹ ءِ پولیس آ خڑچ کرے۔