شہباز گل ءِ پیشن نا ملک سفر آن توننگ نا گام انا برخلاف درخواست سر تننگا

لاہور : لاہور ہائی کورٹ عدالتی پرمان آن پد ہم تحریک انصاف نا راہشون شہباز گل ءِ پیشن نا ملک سفر آن توننگ نا گام انا برخلاف دائر درخواست آ سماعت اٹی ایف آئی اے کمامدارآتا عملدرآمد رپورٹ آ توہین عدالت ناکیس ءِ سرتس۔ چیف جسٹس لاہور ہائیکورٹ جسٹس محمد امیر بھٹی نا کماشی ٹی مسہ باسکی فل بنچ سماعت کرے۔ دوشنبے نادے آ سماعت آ عدالتی پرمان آ ڈی جی ایف آئی اے و آئی جی پنجاب پولیس عدالت اٹ پیش مسر و عدالت ءِ معلومدار کریر کہ عدالتی پرمان آ عملدرآمد کننگانے و درخواست گزار شہباز گل ءِ پیشن نا ملک ہِننگ نا مکل تننگانے و او امریکہ غا ہنانے۔ عدالتی اَرفنگ آ وکیل درخواست گزار عدالت ءِ معلومدار کرے کہ درخواست گزار شہباز گل عدالتی پرمان ءِ مون آ تخسا امریکہ غا ہنانے، داوڑ کس اس اڑاند شاغتنے۔ ہراڑا عدالت درخواست ءِ غیر موثر مننگ نا بناآ سرتس۔

(اے پی پی)