ملک اٹی 24 گھنٹہ ٹی کورونا دین انا 25 کیس رپورٹ، اسہ ناجوڑ اس زوال
Get real time updates directly on you device, subscribe now.
اسلام آباد : مچ آملک اٹی 24 گھنٹہ ٹی کورونا دین انا 25 کیس رپورٹ مس و اسہ ناجوڑ اس زوال مسنے، و 11 ناحالیت نازرک ءِ۔ دوشنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آملک اٹی 24 گھنٹہ ٹی کورونا دین انا 2 ہزار 453 ٹیسٹ کننگا ہرافتیان 25 بندغ آتا ٹیسٹ مثبت بس و ہندا وڑ مثبت کیس آتا کچ 1.02 درسد ئس و داوخت آ کورونا دین آن اسہ ناجوڑ اس زوال کرے وخت اس کہ 11 ناجوڑ آتا حالیت نازرک ءِ۔ ملک انا چندی شار تیٹی 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 328 بندغ آتیان 12 نا ٹیسٹ مثبت بس و ہموڑے مثبت کیس آتا کچ 3.66 درسد ئسک۔
(اے پی پی)