آبادی تے کم کروک آک جوان وڑاٹ کاریم کیر‘ عائشہ زہری

نصیر آباد : ڈپٹی کمشنر نصیرآباد عائشہ زہری نا کماشی ٹی مردم شماری ٹی رہنگوک آ علاقہ غاتا حالیت آتا جاچ ءِ ہلسا اسہ دیوان اس اڈ ہلک۔ دیوان اٹ اسسٹنٹ کمشنر ڈیرہ مراد جمالی اسداللہ سمالانی اسسٹنٹ کمشنر چھتر خادم حسین کھوسہ تحصیلدار مجیب الرحمن ساتکزئی و جتا جتا یونین کونسل آتیٹی فرض آتے پورو کرسا سپروائزر اسک بشخ ہلکر۔ دیوان اٹ مردم شماری ٹی رہنگوک آ علاقہ غاتا جوان جاچ ءِ ہلک۔ ہرا علاقہ غاتیٹی آبادی ءِ کم کننگانے اونا جوان وڑاٹ جاست وپاست ءِ کرے و سوب آتے مون آ اتنگا۔ دیوان آن تران کرسا ڈپٹی کمشنر عائشہ زہری پارینے کہ ہرا علاقہ غاتیٹی رپورٹنگ جوان وڑاٹ متو۔ دا کمتی ءِ پورو کننگ کن ہر ممکن گام گیج کننگے۔ اسسٹنٹ کمشنرز تحصیلدار و محکمہ ریونیو نا کل اسٹاف یونین کونسل نا چیئرمین تون ملسا مردم شماری ٹی رہنگوک علاقہ غاتیٹی کاریم ءِ پورو کرفنگک مستی ارا دے انا وخت ہم تننگانے۔

(خ ن)