کوئٹہ‘ انتظامیہ نا گرانفروش آتا برخلاف کارروائی‘ 15 دکاندار دزگیر
Get real time updates directly on you device, subscribe now.
کوئٹہ : ڈپٹی کمشنر کوئٹہ شہک بلوچ نا پارت و اُلسی غاو تیا پرائس کنٹرو ل کمیٹی سریاب اسسٹنٹ کمشنر سریاب کوئٹہ نثار احمد لانگو نا کماشی ٹی گرانفروش و تجاوزات آتا برخلاف کارروائی کرسا پانزدہ بندغ ءِ دزگیر کریر۔ کمیٹی نا کنڈآن دا کارروائیک کرانی روڈ، پودگلی چوک و ایلو علاقیہ غاتیٹ کننگا دا وخت آ عارضی تجاوزات آتے ہم اینک کننگا۔ کارروائی ٹی قصاب نا دکان آ اسسٹنٹ کمشنر سریاب نا نگرانی ٹی 700 روپئی فی کلو سو بہا کننگا۔ قصاب نا بارواٹ غاو ئس کہ او کبین بہا کننگ اٹی ءِ ولے داڑان انتظامیہ نا ساڑی گری ٹی ارا درجن آن زیات گرراہک آک گڑا ہلکر۔ اسسٹنٹ کمشنر سریاب نا پاننگ ئس کہ شار اٹ گرانفروش و ناجائز منافع خور آتا برخلاف بیدس فرق آن کارروائی برجا ءُ۔
(خ ن)