کرونا تون مون ایتنہ، پاکستانی اُلس نا رکھ ءِ اولیت ایتنہ‘آرمی چیف

راولپنڈی ( آن لا ئن ) آرمی چیف جنرل قمر جا وید باجوہ پارینے کہ پا کستانی اُلس نا رکھ ءِِ اولیت ایتنہ، سلہہ بند فوج انا کل میڈیکل آسراتی تے کرونا وائرس تون مون تننگ کن وقف کننگے، فوج بنجائی و صوبائی حکومت آتتون پورو وڑ اٹ کمک کننگ اٹی ءِ۔ پاک فوج نا شعبہ تعلقات عامہ آئی ایس پی آر نا کنڈآن جاری کروک ءُ بیان اسے نا رداٹ قومی سلامتی کمیٹی نا 13 مارچ نا فیصلہ غاتا رداٹ انتظام آتے پورو کننگانے۔ سلہہ بند فوج نا کل میڈیکل آسراتی تے کرونا وائرس تون مون تننگ کن وقف کننگانے۔ مچ آ ملک انا ملٹری ہسپتال آتے ٹی لیبارٹری جوڑ کننگانے۔ اے ایف آئی پی راولپنڈی ٹی ہم سینٹرل ٹیسٹنگ لیب اس جوڑ کننگانے۔ آرمی چیف پارینے کہ کل کمانڈرک سول انتظامیہ تون کمک کیرہ، پاکستانی اُلس نا رکھ ءِ اولیت ایتنہ، فوج بنجائی و صوبائی حکومت آتتون پورو وڑاٹ کمک کننگ اٹی ءِ۔