وزیراعظم نا کماشی ٹی بنجائی کابینہ نا دیوان ،اہم ءُ فیصلہ کننگا
Get real time updates directly on you device, subscribe now.
اسلام آباد (اے پی پی) وزیراعظم عمران خان نا کماشی ٹی بنجائی کابینہ نا دیوان اڈ ہلک۔ وزیراعظم نا خصوصی کمکار برائے اطلاعات و شینکاری ڈاکٹر فردوس عاشق اعوان بنجائی وزیر مذہبی امور پیر نورالحق قادری، بنجائی وزیر تہوبازی غلام سرور خان و چیئرمین اسلامی نظریاتی کونسل ڈاکٹر قبلہ ایاز تون اوار میڈیا ءِ بریفنگ ترسا پارینے کہ بنجائی کابینہ کرونا وائرس نا توننگ کن کل علماءکرام تتون سلاہ غان پد نماز جمعہ نا خطبہ و جماعت اٹ مروک آ نماز آتے مختصر کننگ، دو ہلنگ و بغل کشی آن مر مننگ، 21مارچ آن بیدس تربت و گوادر نا کل جہانی ایئر پورٹ آتے جہانی جاز آتا ہننگ بننگ کن بحال کننگ، بُورہ کاختی نا جاست پاست اٹ آئی ایس آئی و سٹیٹ بینک نا کارندہ اوار کننگ و بروک آ مالی سال اکن بجٹ اسٹریٹیجی پیپر نا منظوری تننگانے۔ بجٹ خرچہ غاتا مُد اٹ ڈیفنس و سیکورٹی آن بیدس احساس و راجی رکھ، پبلک سیکٹر ڈویلپمنٹ پروگرام، سرکاری ملازم آتا تنخواہ، ہاوسنگ و پوسکن آ پاکستان نا رداٹ جتا جتا گام گیج، فوڈ سیکیورٹی، ہیلتھ، ہائر ایجوکیشن، ٹورازم و پین پی اوار ءُ، بجٹ اٹ سرکاری ملازم آتا ٹھپ آتے درمان کینہ۔ وزیرِ اعظم پارت کرینے کہ مچ آ دنیا ٹی ساڑی کل پاکستانی تے ہر وڑ انا کمک تننگک۔